Ўзбекистон Республикаси Президенти Шавкат Мирзиёевнинг энг сўнгги халқаро ташрифи 15-17 май кунлари АҚШга бўлган эди.
Аввал хабар берганимиздек, 8-9 июнь кунлари Хитойнинг Циндао шаҳрида Шанхай Ҳамкорлик Ташкилотига аъзо давлатлар раҳбарларининг саккизинчи мажлиси бўлиб ўтади. Ўзбекистон Республикаси Президенти Шавкат Мирзиёев ушбу мажлисда иштирок этиш учун бугун, 8 июнь куни Хитойга жўнаб кетади.
ШҲТга аъзо давлатлар раҳбарлари илк бор Ҳиндистон ва Покистоннинг тўла ҳуқуқли аъзо сифатидаги иштирокида йиғиладилар, ташкилот фаолиятини янада такомиллаштиришнинг истиқболли йўналишлари, минтақавий хавфсизлик, иқтисодий ва инвестициявий шерикликни кенгайтириш, транспорт-коммуникация соҳасидаги ҳамкорликни фаоллаштириш масалалари ҳамда кўп томонлама кооперациянинг бошқа жиҳатларини муҳокама қиладилар.
Президент Шавкат Мирзиёевдан аввал унинг Матбуот котиби Комилжон Алламжонов бошчилигида бир гуруҳ журналистлар аллақачон Хитойнинг Циндао шаҳрига бориб жойлашдилар. Кеча, 7 июнь куни Циндаода Комилжон Алламжонов томонидан брифинг берилди. Бу ҳақда бироздан кейин.
Эслатиб ўтамиз, Ўзбекистон Республикаси Президенти Шавкат Мирзиёевнинг энг сўнгги халқаро ташрифи 15-17 май кунлари АҚШга бўлган эди.
Маълумот ўрнида, Президент Хитой сафаридан 10 июнь куни пойтахт Тошкентга қайтиб келади.
