...
МЕНЮ
ONLINE TV

Шавкат Мирзиёев бориб кўрган 286 миллион евролик лойиҳа нимага мўлжалланган?


17:19, 29.08.2018 Жамият
 3 726

Давлат раҳбари бу ерда ишлайдиган мутахассисларни тайёрлашга алоҳида эътибор қаратиш лозимлигини таъкидлаган.

Аввалроқ, Президент Шавкат Мирзиёев Бекободдаги фермер хўжаликларидаан бирида бўлгани ва пахта ривожи билан танишгани ҳақида хабар берган эдик.
 
Йирик саноат корхоналари мамлакат иқтисодиётини ривожлантириш, аҳоли бандлигини таъминлашда муҳим ўрин тутади. Тошкент вилояти Зангиота туманида барпо этилаётган Тошкент металлургия заводи шулардан бири.
 
Президент Шавкат Мирзиёев бугун, 29 август куни ушбу корхона қурилиши билан танишди.
 
Лойиҳа қиймати 286,7 миллион евролик мазкур корхонага Италия, Германия, Австрия, Россия каби давлатларда ишлаб чиқарилган илғор ва замонавий ускуналар келтирилади. Бу ерда автомобиль кузовлари ва маиший техника учун металл листлар, металл черепицалар, профнастил ва бошқа маҳсулотлар тайёрланади. Тўлиқ қувватда туширилгач, корхонада йилига 500 минг тонна маҳсулот ишлаб чиқарилади, 700 га яқин иш ўрни яратилади.
 
Президент 2017 йил февраль ойида ушбу корхона қурилиши лойиҳаси билан танишиб, мутасаддиларга тегишли кўрсатмалар берган эди. Ўтган вақт мобайнида бу ерда кенг кўламли қурилиш-бунёдкорлик ишлари амалга оширилди. Завод биноси конструкцияси қуриб битказилди.
 
Шавкат Мирзиёев қурилишнинг бориши билан танишди. Заводнинг мамлакат иқтисодиётидаги ўрнига тўхталиб, бу ерда ишлайдиган мутахассислар тайёрлашга алоҳида эътибор қаратиш лозимлигини таъкидлади.
Суннатилла Абдуллаев

Теглар:Шавкат Мирзиёев Тошкент металлургия заводи Тошкент вилояти 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

Сиз ҳеч пора бериб кўрганмисиз?

Барча сўровлар