Қандаҳорда содир этилган портлаш оқибатида БААнинг 5 нафар дипломати ҳаётдан кўз юмди.
Ўзбекистон Республикаси Президенти Шавкат Мирзиёев Бирлашган Араб Амирликлари президенти Шайх Халифа бин Зоид Ол Наҳаёнга Афғонистоннинг Қандаҳор шаҳрида юз берган теракт сабаб БААнинг гуманитар миссияси вакиллари вафот этгани муносабати билан таъзия билдирди. Бу ҳақда Ўзбекистон Республикаси Ташқи ишлар вазирлиги Матбуот хизмати хабар берди.
Давлат раҳбари қурбон бўлганларнинг оила аъзолари ва яқинларига ҳамдардлик билдирди.
10 январь куни Қандаҳордаги меҳмонхонада юз берган портлаш оқибатида 11 киши ҳаётдан кўз юмди. Улар орасидаги 5 киши БАА дипломати бўлган. БААда уч кунлик мотам эълон қилинди.
Портлашни амалга оширган жиноятчиларни топиш юзасидан суриштирув-қидирув ишлари бошланган.
Давлат раҳбари қурбон бўлганларнинг оила аъзолари ва яқинларига ҳамдардлик билдирди.
10 январь куни Қандаҳордаги меҳмонхонада юз берган портлаш оқибатида 11 киши ҳаётдан кўз юмди. Улар орасидаги 5 киши БАА дипломати бўлган. БААда уч кунлик мотам эълон қилинди.
Портлашни амалга оширган жиноятчиларни топиш юзасидан суриштирув-қидирув ишлари бошланган.
Дурдона Расулова
