...
МЕНЮ
ONLINE TV

Сардор Рустамбоев Эммануэль Макронга ишонч ёрлиқларини топширди


17:16, 03.09.2018 Олам
 2 516

Франция раҳбари дипломатни муборакбод этди ва ўзаро муносабатларни мустаҳкамлаш йўлида муваффақиятлар тилади.

Ўзбекистон Республикасининг Франциядаги Фавқулодда ва мухтор элчиси этиб тайинланган Сардор Рустамбоев президент Эммануэль Макронга ишонч ёрлиқларини топширди.
 
Франция раҳбари Ўзбекистон президенти ва халқини мамлакат мустақиллигининг 27 йиллиги муносабати билан яна бир бор табриклаб, мамлакатга фаровонлик ҳамда барқарорлик тилади.
 
Макрон Ўзбекистон-Франция муносабатларининг бугунги ҳолати ва истиқболларини ижобий баҳолади ҳамда икки томонлама ҳамкорликни ривожлантиришга қизиқиш билдиргани ва бунга қўшган ҳиссаси учун республика раҳбарига миннатдорлик изҳор қилган.
 
Шу билан бирга, Ўзбекистон президентининг Парижга режалаштирилган расмий ташрифи нафақат икки томонлама ҳамкорликни фаоллаштириш ва кенгайтириш, балки, айни пайтда мавжуд халқаро ва минтақавий масалаларни муҳокама қилиш имконини беришини таъкидлади.
 
Маросим якунида давлат раҳбари дипломатни яна бир бор муборакбод этди ва ўзаро муносабатларни мустаҳкамлаш йўлида муваффақиятлар тилади.
Суннатилла Абдуллаев

Теглар:Ўзбекистон-Франция Сардор Рустамбоев Эммануэль Макрон 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!