...
МЕНЮ
ONLINE TV

Samsung компанияси Galaxy Note 7 смартфонидан фойдаланмасликка чақирди


16:41, 11.10.2016 Технология
 3 215

Аввалроқ, бутун дунё бўйлаб Galaxy Note 7 смартфонлари сотувини тўхтатган Samsung компанияси бугун бундай турдаги телефонларнинг ишлаб чиқарилишини ҳам тўхтатди.

Жанубий Кореянинг Samsung компанияси бутунлай  Galaxy Note 7 смартфонларини ишлаб чиқаришни тўхтатгани ҳақида хабар қилди. Бундай телефонларнинг савдоси ҳам тўхтатилган, дея хабар бермоқда ТАСС.
 
Компания Galaxy Note 7 смартфонларини эндигина сотиб олган кишиларни вақтинчалик улардан фойдаланмай туришга чақирди. Айни вақтда компания телефонларнинг носозлигини текшириб чиқиш ишларини бошлаган.
 
Корея Республикаси ҳукумати кўп сонли шикоятлардан сўнг ускуналарнинг хавфсизлик даражасини ўрганиш мақсадида суриштирув ишларини бошлади.
 
Аввал хабар берганимиздек, Galaxy Note 7 телефонларида ёнғин чиқиш ва ҳатто, портлаш хавфи ҳам мавжуд бўлиб, фойдаланувчилар томонидан кетма-кет шикоятлар билдирилган. Кейинчалик компания вакиллари қувватлагич қисмидаги носозликни бартараф қилишганди, бироқ бугунга келиб смартфонлар таъмирлашдан кейин ҳам ёниб кетиши мумкинлиги маълум бўлди. 
Дурдона Расулова

Теглар:Samsung Galaxy Note 7 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!