Гувоҳларнинг айтишича, қуролланган 5 киши черковга бостириб кириб, одамларга қарата ўқ узган.
1. 7 августдан эътиборан, яъни бугундан ўзбекистонлик зиёратчиларнинг хаж сафарига жўнаб кетишлари бошланди. Бугун Тошкент ва Наманган аэропортларидан иккита рейс билан 459 нафар зиёратчи Мадина шаҳрига жўнамоқда. Умумий ҳисобда 7346 нафар ўзбекистонлик зиёратчи хаж сафарида бўлади. Уларга 35 кишидан иборат ишчи гуруҳи, 35 нафар шифокор, 15 нафар ошпаз хизмат кўрсатади.
2. Италия шимолида кучли шамол ва шаррос ёмғир 4 кишининг ўлимига сабаб бўлди. Яна 2 киши бедарак йўқолган. 2 кишининг ўлимига дарахт қулаб тушганлиги сабаб бўлган. Яна бир киши чақмоқ уриши оқибатида жон берди.
3. Американинг Калифорния штати Ридли шаҳридаги кимё заводида портлаш рўй бериб, оқибатда кучли ёнғин юзага келди. Бир неча ўт ўчириш машинаси воқеа жойига етиб келган. Хабарларга кўра, завод ҳудуди қора тутун билан қопланган ва портлашлар овози эшитилмоқда. Жабрланганлар ҳақида маълумотлар келиб тушмаган.
4. Миллий хавфсизлик хизмати Сирдарё вилояти бошқармаси Бош прокуратура қошидаги Департамент ходимлари билан биргаликда вилоятнинг Фавқулодда вазиятлар бошқармасининг қутқарув отряди командири майор Нодир Эргашевни пора билан қўлга олди. Нодир Эргашев Фавқулодда вазиятлар вазирлиги тизимига ишга жойлаштириш мақсадида Сардоба туманида яшовчи фуқародан 1000 доллар талаб қилган.
5. 6 август куни Нигериянинг Озубулу шаҳридаги черковга ҳужум уюштирилиши оқибатида 12 киши ҳалок бўлди. Бир неча киши яраланди. Гувоҳларнинг сўзларига кўра, қуролланган 5 киши черковга бостириб кириб, одамларга қарата ўқ узган.
Дурдона Расулова
