
Ички ишлар вазири бошлиқ ишчи гуруҳ Хоразм вилоятида бўлган.
Ўрганишлар натижасида фаолияти қониқарсиз деб топилган Янгибозор тумани ИИБ бошлиғи вазифасини бажарувчи Ж.Пирязов, ИИБ бошлиғининг ёшлар масалалари бўйича ўринбосари Ю.Аҳмедов, Жиноят қидирув бўлинмаси бошлиғи И.Салаев, Урганч тумани ИИБ бошлиғининг ёшлар масалалари бўйича ўринбосари Ш.Жуманазаров, Қўшкўпир тумани ИИБ бошлиғининг биринчи ўринбосари Ш.Ҳасанов, Янгиариқ тумани ИИБ бошлиғининг хизмат бўйича ўринбосари Х.Нурматовлар эгаллаб турган лавозимларидан озод этилган.
Шунингдек, фаолиятида йўл қўйган камчиликлар, хизмат вазифаларини бажаришга масъулият билан ёндашмаган қатор раҳбар ва ходимларга турли даражадаги интизомий жазо чоралари қўлланилган.
ИИВ Матбуот хизматининг маълум қилишича, ишчи гуруҳ ўз фаолиятини давом эттирмоқда.