...
МЕНЮ
ONLINE TV

Ўзбекистонлик умра зиёратчилари Макка шаҳрига йўл олишди


16:32, 18.02.2016 Олам
 3 884

Уларни Мадина шаҳридан ишчи гуруҳлари замонавий автобусларда кузатиб қўйдилар.

Жорий йилнинг 15-16 февраль кунлари Умра амалини адо этиш истадигадаги Ўзбекистонликлар Саудия Арабистони подшоҳлигига жўнатилган эди. Ўзбекистонлик умра зиёратчилари уч кун мобайнида Мадина шаҳрида бўлиб, Расулуллоҳ (с.а.в.) қабрларини зиёрат қилиш билан биргаликда, ислом тарихида ўз ўрнига эга бўлган қадамжоларни бориб кўрдилар. Бу ҳақда Ўзбекистон Мусулмонлари идораси расмий сайтида хабар берилди.

Мадинаи мунаввардаги уч кунлик зиёратдан сўнг фуқароларимиз, 18 февраль куни эрта тонгда умра ибодатини адо этиш учун Маккаи мукаррамага жўнаб кетдилар. Уларни Мадина шаҳридан ишчи гуруҳлари замонавий автобусларда кузатиб қўйдилар.

Зиёратчиларимиз Макка томон йўлга чиқар эканлар, кўзда ёш ила шундай кунларга етганлари учун шукроналар айтиб, бундай шароитларни ташкил этишга раҳнамолик қилган муҳтарам Президентимиз бошчилигидаги барча раҳбарлар ҳаққига ва Она – Ватанимиз фаровонлиги учун дуолар қилмоқдалар, дейилади хабарда.

Маълумот учун, зиёратчилар учун Саудиядаги меҳмонхоналарда сунъий йўлдош орқали Ўзбекистон телевиденияси дастурларини томоша қилиш, Ватанимизда бўлаётган воқеалардан хабардор бўлиш имкониятлари яратилган.

Эслатиб ўтамиз, жорий йилнинг 25 февраль кунидан 5 апрель кунига қадар Ўзбекистонлик зиёратчиларни умра зиёратидан Ватанимизга олиб келиш ишлари режалаштирилган.

Теглар:Умра Зиёрат Макка Саудия Арабистони Ўзбекистон мусулмонлари идораси 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!