“Milliy”-(MTV) деб ном олган янги кўнгилочар телеканал эътибор ва эътироф оқлай олармикин?
Ўзбекистонда янги нодавлат телеканал иш бошлаш арафасида турибди. “Milliy”-(MTV) деб ном олган янги телеканалда ўзбек ва хориж юлдузларининг оммабоп клиплари, эксклюзив кўнгилочар дастурлар, ток-шоулар, хит-парадлар, концертлар, юқори сифатли бадиий фильмлар ҳамда миллий ва чет эл сериаллари намойиш этилиши режалаштирилган. Канал ротациясида ҳар қандай ёш ва дид соҳиблари учун қўшиқлар тақдим этилиши айтилмоқда.
Бундан ташқари, “MTV”нинг дастурлар жадвалидан илмий-оммабоп кўрсатувлар ҳам ўрин олади.
Телеканал яқин кунларда тест режимида эфирга узатилади. Трансляция кабелли ва эфирли усулда бўлиб, у Ўзбекистон ҳудудида фаолият кўрсатади. Айни пайтда барча зарур тайёргарлик ишлари олиб борилмоқда.
Сўнгги йилларда мамлакатимизда ОАВлар фаолиятини ривожлантириш, нодавлат электрон ОАВлар сонини кўпайтириш, уларнинг моддий техник базасини мустаҳкамлаш масаласига алоҳида эътибор қаратилмоқда. Парламент томонидан грант маблағлари ажратилмоқда. Янги телеканал бу эътибор ва эътирофни қанчалик оқлай оларкин?
Ҳар бир телеканал ўз иш фаолиятини бошлаганда унга нисбатан қизиқиш катта бўлади. Томошабинлар ундан бошқаларга қараганда кўпроқ нарсалар, янгиликлар кутади. “Milliy” телеканали бу вазифани қанчалик уддалай оларкин? У ўз номига яраша иш тутадими ё оқимга қўшилиб, “Хусусий телеканалда, бошқа нима ҳам кутардинг” деган таърифни оладими, буни вақт кўрсатади.
Бундан ташқари, “MTV”нинг дастурлар жадвалидан илмий-оммабоп кўрсатувлар ҳам ўрин олади.
Телеканал яқин кунларда тест режимида эфирга узатилади. Трансляция кабелли ва эфирли усулда бўлиб, у Ўзбекистон ҳудудида фаолият кўрсатади. Айни пайтда барча зарур тайёргарлик ишлари олиб борилмоқда.
Сўнгги йилларда мамлакатимизда ОАВлар фаолиятини ривожлантириш, нодавлат электрон ОАВлар сонини кўпайтириш, уларнинг моддий техник базасини мустаҳкамлаш масаласига алоҳида эътибор қаратилмоқда. Парламент томонидан грант маблағлари ажратилмоқда. Янги телеканал бу эътибор ва эътирофни қанчалик оқлай оларкин?
Ҳар бир телеканал ўз иш фаолиятини бошлаганда унга нисбатан қизиқиш катта бўлади. Томошабинлар ундан бошқаларга қараганда кўпроқ нарсалар, янгиликлар кутади. “Milliy” телеканали бу вазифани қанчалик уддалай оларкин? У ўз номига яраша иш тутадими ё оқимга қўшилиб, “Хусусий телеканалда, бошқа нима ҳам кутардинг” деган таърифни оладими, буни вақт кўрсатади.
