Ўзбекистон Қаҳрамони Вера Борисовна Пак 80 ёшида вафот этди.
Ўзбекистон таълим соҳаси оғир жудоликка учради. Фидойи педагог, меҳрибон мураббий, Ўзбекистон Қаҳрамони Вера Борисовна Пак 80 ёшида вафот этди. Бу ҳақда ЎзА хабар берди.
Ўзбекистон Республикси Президенти Шавкат Мирзиёев, Олий Мажлис Сенати раиси Ниғматилла Йўлдовев ва Қуйи палатаси спикери Нуриддин Исмоилов, Бош вазир Абдулла Арипов, Президентининг Ёшлар, фан, таълим, соғлиқни сақлаш ва спорт масалалари бўйича маслаҳатчиси Абдужаббор Абдувоҳидов, Халқ таълими вазири Шерзод Шерматов Вера Борисовна Пакнинг вафоти муносабати билан таъзия билдирди.
Вера Пак 1938 йили Қорақалпоғистон Республикаси Қўнғирот туманида туғилди. 1961 йили Нукус давлат педагогика институтининг кимё-биология факультетини битирди.
Бўлғуси педагог ўз меҳнат фаолиятини 1961 йили Хива шаҳридаги А.С.Пушкин номидаги 3-умумтаълим мактабида кимё ва биология фанлари ўқитувчиси сифатида бошлади. Ушбу мактабда ёш авлоднинг билимдон фарзандлар бўлиб камолга етишига муносиб ҳисса қўшди.
1985-2015 йилларда Хоразм вилоятидаги 20-Меҳрибонлик уйи раҳбари, 2015-2018 йилларда Хива шаҳридаги “Меҳрибонлик шаҳарчаси” директори лавозимларида меҳнат қилди.
Вера Пак 2004-2009 йилларда Ўзбекистон Республикаси Олий Мажлиси Сенати аъзоси сифатида самарали фаолият юритди.
У ўзининг 57 йиллик педагогик фаолияти мобайнида ота-она меҳрига ташна кўплаб болаларнинг юрагида ҳаётга, келажакка мустаҳкам ишонч уйғотган эди. Уларнинг Ватанимизга, халқимизга садоқатли фарзандлар бўлиб улғайиши йўлида фидойилик билан меҳнат қилди. Меҳрибонлик уйи тарбияланувчилари мустақил ҳаётга қадам қўйганидан сўнг ҳам уларни маънавий жиҳатдан қўллаб-қувватлаб, ёш йигит-қизларнинг касб-ҳунар ўрганиши, оила қуриб, уй-жой билан таъминланиши йўлида жонбозлик кўрсатди.
Устоз Вера Пакнинг мамлакатимиз таълим-тарбия соҳасини ривожлантириш борасидаги хизматлари давлатимиз томонидан муносиб тақдирланди. У 1992 йили “Ўзбекистон Республикасида хизмат кўрсатган халқ таълими ходими” фахрий унвони, 2001 йили “Ўзбекистон Қаҳрамони” унвони билан мукофотланган эди.
Меҳрибон устоз, фидойи педагог, самимий ва камтарин инсон Вера Борисовна Пакнинг ёрқин хотираси қалбларимизда ҳамиша сақланиб қолади.
Ўзбекистон Республикси Президенти Шавкат Мирзиёев, Олий Мажлис Сенати раиси Ниғматилла Йўлдовев ва Қуйи палатаси спикери Нуриддин Исмоилов, Бош вазир Абдулла Арипов, Президентининг Ёшлар, фан, таълим, соғлиқни сақлаш ва спорт масалалари бўйича маслаҳатчиси Абдужаббор Абдувоҳидов, Халқ таълими вазири Шерзод Шерматов Вера Борисовна Пакнинг вафоти муносабати билан таъзия билдирди.
Вера Пак 1938 йили Қорақалпоғистон Республикаси Қўнғирот туманида туғилди. 1961 йили Нукус давлат педагогика институтининг кимё-биология факультетини битирди.
Бўлғуси педагог ўз меҳнат фаолиятини 1961 йили Хива шаҳридаги А.С.Пушкин номидаги 3-умумтаълим мактабида кимё ва биология фанлари ўқитувчиси сифатида бошлади. Ушбу мактабда ёш авлоднинг билимдон фарзандлар бўлиб камолга етишига муносиб ҳисса қўшди.
1985-2015 йилларда Хоразм вилоятидаги 20-Меҳрибонлик уйи раҳбари, 2015-2018 йилларда Хива шаҳридаги “Меҳрибонлик шаҳарчаси” директори лавозимларида меҳнат қилди.
Вера Пак 2004-2009 йилларда Ўзбекистон Республикаси Олий Мажлиси Сенати аъзоси сифатида самарали фаолият юритди.
У ўзининг 57 йиллик педагогик фаолияти мобайнида ота-она меҳрига ташна кўплаб болаларнинг юрагида ҳаётга, келажакка мустаҳкам ишонч уйғотган эди. Уларнинг Ватанимизга, халқимизга садоқатли фарзандлар бўлиб улғайиши йўлида фидойилик билан меҳнат қилди. Меҳрибонлик уйи тарбияланувчилари мустақил ҳаётга қадам қўйганидан сўнг ҳам уларни маънавий жиҳатдан қўллаб-қувватлаб, ёш йигит-қизларнинг касб-ҳунар ўрганиши, оила қуриб, уй-жой билан таъминланиши йўлида жонбозлик кўрсатди.
Устоз Вера Пакнинг мамлакатимиз таълим-тарбия соҳасини ривожлантириш борасидаги хизматлари давлатимиз томонидан муносиб тақдирланди. У 1992 йили “Ўзбекистон Республикасида хизмат кўрсатган халқ таълими ходими” фахрий унвони, 2001 йили “Ўзбекистон Қаҳрамони” унвони билан мукофотланган эди.
Меҳрибон устоз, фидойи педагог, самимий ва камтарин инсон Вера Борисовна Пакнинг ёрқин хотираси қалбларимизда ҳамиша сақланиб қолади.
Суннатилла Абдуллаев
