Бундан бир ҳафта аввал актёр ва режиссёр Алишер Узоқовнинг юрак хуружидан вафот этгани ҳақидаги хабарлар яшин тезлигида тарқалган эди. Кўп ўтмай бу хабарлар бўҳтонлиги маълум бўлди.
WhatsApp, Telegram каби мессенжерлар ва ижтимоий тармоқларда “Ниҳол” мукофоти совриндорлари Ойбек ва Нигоранинг пойтахтнинг Себзор даҳасида автоҳалокатга учрагани ҳақидаги хабарлар тарқалди. Интернет орқали тарқалган норасмий ахборотларда ёзилишича, Ойбек машина бошқариб кетаётганида йўлга тўсатдан бир киши чиқиб қолади. Уни уриб юбормаслик учун машина рулини бошқа томонга бурган хонанда катта тезликда келаётган Range Rover билан тўқнашади. Бу хабар интернет орқали тарқалганидан буён Ойбек ва Нигоранинг инстаграмдаги шахсий саҳифасида “Саломатмисизлар? Тарқалган миш-мишлар ростми?” қабилидаги саволларнинг охири кўринмаяпти. Бироқ, бу саволларнинг бирортасига ҳам хонандалар жавоб қайтаргани йўқ.
Биз мазкур масалага ойдинлик киритиш мақсадида Ойбек ва Нигора билан боғландик.
Нигора Исмоилова:
— Худога шукур, саломатмиз! Интернет орқали тарқалган хабарлар ўзимизга ҳам етиб келди. Буларнинг турган битгани бўҳтон, одамларнинг ўйлаб топган навбатдаги ғийбати. Бугун пойтахтнинг Себзор даҳасига умуман йўлимиз тушмади. Одамлар бундай ёлғонларни қаердан ўйлаб топишади, ҳайронман. Пичоқни аввал ўзингга, оғримаса бировга ур - дейишади. Биз ҳақимизда шундай хабарларни тарқатаёганлар кун келиб қилмишлари учун қандай жавоб беришаркин?
Нигора Исмоилова билан суҳбатимиздан сўнг кўп ўтмай Ойбек Алимов ҳам, Нигора Исмоилова ҳам инстаграмга янги суратларини жойлаб, интернетдаги фойдаланувчилар саломат эканликларини маълум қилишди.
Нигора Исмоилова:
— Худога шукур, саломатмиз! Интернет орқали тарқалган хабарлар ўзимизга ҳам етиб келди. Буларнинг турган битгани бўҳтон, одамларнинг ўйлаб топган навбатдаги ғийбати. Бугун пойтахтнинг Себзор даҳасига умуман йўлимиз тушмади. Одамлар бундай ёлғонларни қаердан ўйлаб топишади, ҳайронман. Пичоқни аввал ўзингга, оғримаса бировга ур - дейишади. Биз ҳақимизда шундай хабарларни тарқатаёганлар кун келиб қилмишлари учун қандай жавоб беришаркин?
Нигора Исмоилова билан суҳбатимиздан сўнг кўп ўтмай Ойбек Алимов ҳам, Нигора Исмоилова ҳам инстаграмга янги суратларини жойлаб, интернетдаги фойдаланувчилар саломат эканликларини маълум қилишди.
Қамариддин Шайхов
