Мирзиёев “Медгородок”даги ички ишлар бўлимини бориб кўрди

Ўзбекистон Республикаси Президенти Шавкат Мирзиёевнинг Тошкент шаҳри Олмазор туманига ташрифи давом этмоқда. Президент Олмазор туманидаги 2-сонли ички ишлар бўлимига борди.
 
Мазкур бўлим Олмазор туманидаги “Шифокорлар”, “Жийдали”, “Ҳислат”, “Беруний”, “Мирза Ғолиб", “Чиғатой Оқтепа” каби маҳаллаларни тасарруф этади. Ҳудудда кўп қаватли уйлар, олий таълим муассасалари, шифохоналар ва бошқа ижтимоий объектлар талайгина.
 
Куни кеча бўлим ходимлари янги бинода иш бошлади. Улар ўз хизмат вазифаларини сифатли бажариши, жамоат хавфсизлигини таъминлаши учун барча шароитлар яратилган.






 
Президентимиз соҳага замонавий ахборот-коммуникация технологияларини кенг жорий этиш, ҳудудни кечаю кундуз кузатиб, аҳолининг осойишталигини мустаҳкамлаш, жиноятчиликнинг олдини олиш бўйича кўрсатмалар берди.