
Гумонланувчилар қурол беркитилган жойни кўрсатган.
Кеча, 24 июль куни Денис Тен қотиллигида гумонланувчилардан бири кўрсатмани текшириш учун воқеа жойига борилганда спортчи қотиллигида фойдаланилган қуролни полицияга топширган. Бу ҳақда “Казинформ” хабар бермоқда.
“Айни вақтда суд олди тергов ишлари давом эттириляпти. Гумонланувчилар Киясов Н.Д. ва Кудайберганов А.Б. айбларини тан олиб, далил бўлувчи буюмни бердилар. Хусусан, гумонланувчи Кудайберганов қотиллик қуроли – пичоқ беркитилган жойни кўрсатди, пичоқ жиноий иш материалига қўшиб қўйилди”, дейилади хабарда.
Эслатиб ўтамиз, 19 июль куни машҳур фигурали учувчи Денис Тен пичоқланиб, кўп қон йўқотгани сабабли шифохонада вафот этган.