Селенгор штати, Пучонг шаҳридаги тунги клубда “Евро – 2016” матчини кўраётган одамлар устига номаълум шахс граната отди.
Бугун, 28 июнь куни тонгда, Малайзиянинг Пучонг шаҳридаги тунги клубда портлаш содир бўлди. Маълумотларга кўра, клубда “Евро – 2016” матчининг тўғридан-тўғри трансляциясини томоша қилаётган меҳмонлар устига ноъмалум шахс граната отган. Бошқа маълумотларга кўра, шахс шиша идишдаги ёнувчи суюқликни улоқтирган. Бу ҳақда ТАСС нашри маълумот берди.
Портлаш натижасида энг камида 8 киши жароҳатланган. Жароҳатланганларнинг 4 нафари эркак ва 4 нафари аёл киши экани айтилмоқда. Улар шошилинч равишда яқин атрофдаги шифохонага етказилган. Селенгор штати полиция бошлиғи Абдул Раҳим Жаъфарнинг сўзларига кўра, бу террористик акт эмас. Воқеа юзасидан тергов-суриштирув ишлари бошланган.
Портлаш натижасида энг камида 8 киши жароҳатланган. Жароҳатланганларнинг 4 нафари эркак ва 4 нафари аёл киши экани айтилмоқда. Улар шошилинч равишда яқин атрофдаги шифохонага етказилган. Селенгор штати полиция бошлиғи Абдул Раҳим Жаъфарнинг сўзларига кўра, бу террористик акт эмас. Воқеа юзасидан тергов-суриштирув ишлари бошланган.
Умида Якубова
