ЖЧ-2018. Мексика мағлубиятга учраган бўлса ҳам плей-оффга йўлланма олди

Биринчи турда амалдаги чемпион Германияни мағлуб этган Мексика терма жамоаси катта шов-шув кўтарганди. Сўнгги турга келиб эса мексикаликлар Швеция терма жамоаси олдида буткул чорасиз қолишди ва йирик ҳисобдаги мағлубиятни қабул қилиб олишди.
 
Агар немислар Жанубий Корея терма жамоасини мағлуб эта олишганда Мексика гуруҳда қолиб кетиши ҳам ҳеч гап эмасди.
 
Хуллас, Мексика – Швеция баҳсининг биринчи бўлимида дарвозалар дахлсиз қолди. Иккинчи бўлимда эса европаликлар ишга жиддий киришишди ва 50-дақиқада Аугустинссон ҳисобни очган бўлса, 62-дақиқада Гранквист пенальтидан иккинчи голни киритди. 74-дақиқада эса Алвареснинг автоголи жамоасининг йирик мағлубиятига замин яратди.
 
ЖЧ-2018. 3-тур. “F” гуруҳи.
Мексика – Швеция 0:3.
Голлар: Аугустинссон (50), Гранквист (62, пенальти), Альварес (74, автогол).
 
Мексика: Очоа, Альварес, Сальседо, Морено, Гальярдо (Фабиан, 65), Эррера, Гуардадо (Корона, 75), Лайюн (Перальта, 89), Вела, Лосано, Эрнандес.
 
Швеция: Ольсен, Люстиг, Линделеф, Гранквист, Аугустинссон, Классон, Ларссон (Свенссон, 57), Экдаль (Хильемарк, 80), Форсберг, Берг (Телин, 68), Тойвонен.
 
Огоҳлантиришлар: Гальярдо (1), Ларссон (26), Морено (61), Лайюн (85), Люстиг (88).