Ижод аҳли диққатига: ҳарбий ватанпарварлик мавзусида янги асарлар яратишга тайёрмисиз?

Ўзбекистон матбуот ва ахборот агентлиги ҳарбий ватанпарварлик мавзусида бадиий ва ижтимоий-сиёсий асарлар яратиш бўйича ижтимоий буюртмалар лойиҳасини эълон қилади.

• Ўзбекистон халқининг шонли тарихи ва унда ўзларининг ўчмас номларини қолдирган афсонавий халқ қаҳрамонлари: Широқ, Тўмарис, Спитамен, Жалолиддин Мангуберди, Соҳибқирон Амир Темур, Бобур Мирзо каби кўплаб енгилмас саркардаларнинг ҳарбий маҳоратлари, Ватан озодлиги, халқ бахти ва келажаги йўлидаги ўлмас жасоратларини юксак бадиий воситалар билан акс эттириш;

• Истиқлол йилларида, тарихан қисқа вақт ичида мамлакат мустақиллиги, унинг ҳудудий яхлитлиги, чегаралар даҳлсизлиги, халқнинг тинч ва осойишта ҳаётини ишончли ҳимоя қилишга қодир бўлган миллий армия барпо этилгани;

• мамлакатда эркин, озод ва фаровон ҳаёт бунёд этиш йўлида фидойилик кўрсатаётган аскарлар, зобитлар ҳаётини ёритиш;

• ҳарбий кадрларни тайёрлаш ва қайта тайёрлаш ҳамда малакасини ошириш тизимининг принципиал жиҳатлари мутлақо янги асосга ўтганлиги;

• Ўзбекистонда янгидан ташкил этилган Ҳарбий Академия, Сержантлар мактаблари, ”Темурбеклар мактаби” фаолияти, “Ватанпарвар” ташкилоти ва унинг иштирокида олиб борилаётган ҳарбий-ватанпарварлик ишлари, ”Шунқорлар” ҳарбий мусобақаларининг моҳият ва мазмунини ёритиш;

• муддатли ҳарбий хизматни ўтаб резервга бўшатилган ёшларнинг ишга жойлашиши ва олий ўқув юртларига ўқишга кириши билан боғлиқ имтиёзларнинг белгиланиши, шунингдек, буларнинг барчаси ёшлар ўртасида ҳарбий хизматнинг нуфузи кескин ошишида муҳим омил бўлаётгани;

• армия ва халқ ўртасидаги яқин муносабатлар, хайрихоҳлик ва ўзаро якдилликнинг ҳаётий воқеа-ҳодисалар орқали бадиий ишонарли тарзда, жонли образлар воситасида талқин этилиши;

• ҳарбий хизматчилар ва уларнинг оила аъзоларини ижтимоий ҳимоя қилиш, ҳарбий шаҳарчаларда замон талабларига жавоб берадиган ижтимоий-маиший шароитлар яратилишига алоҳида аҳамият берилаётгани;

• Ўзбекистон мудофаа қудратини янада юксалтириш, миллий хавфсизликни ва давлат чегаралари дахлсизлигини таъминлаш ишида фидойиларча хизмат қилаётган ҳарбийлар ҳаётидаги заҳматли ва шарафли ишларни таъсирчан ва ҳаққоний ифодалаш;

• миллий манфаатларни ҳимоя қилиш ҳамда тинчлик, барқарорлик ва жамоат тартибини таъминлаш соҳасига ўз ҳаётини тикиб, хизмат вазифасини адо этиш чоғида қаҳрамонларча ҳалок бўлган мард ва жасур ўғлонларнинг хотирасини абадийлаштирадиган, уларнинг ёрқин ва ўчмас бадиий образларини ёшлар онгига ибрат ва намуна сифатида сингдириб борадиган