Гус Хиддинк ва Луи ван Гал: кимнинг қўли баланд келади?

Эртага, 7 февраль куни Англия чемпионатининг 25-тур доирасида “Челси” ва “Манчестер Юнайтед” жамоалари ўртасида ўйин бўлиб ўтади. Биз мазкур баҳс олдидан иккала жамоанинг бош мураббийлари Гус Хиддинк ва Луи ван Галнинг тарихий қарама-қаршилигини эслаб ўтамиз. Бу икки голландиялик мутахассис шу пайтга қадар Европанинг кўплаб гранд жамоаларида фаолият олиб боришга улгуришган. Ҳозирда тажрибали мураббийларнинг ҳар иккиси ҳам жамоасида катта муваффақият қозонганича йўқ. Айнан шуни инобатга оладиган бўлсак, бўлажак ўйинда уларга ғалаба жуда муҳим. Файласуф ҳамда сеҳргар лақаблари билан машҳур бўлан мазкур мураббийларнинг ўзаро тўқнашувларига назар ташлаймиз.

19 сентябрь 1998 йил. "Реал Мадрид" 2-2 "Барселона", ғолиб йўқ 
14 февраль 1999 йил. "Барселона" 3-0 "Реал", Луи ван Гал. 
13 февраль 2000 йил.  "Реал Бетис" 2-1 "Барселона", Гус Хиддинк. 
15 октябрь 2005 йил.  "ПСВ" 3-0 "АЗ", Гус Хидинк. 
26 февраль 2006 йил. "АЗ" 1-2 "ПСВ", Гус Хиддинк. 
22 март 2006 йил. "ПСВ" 2-0 "АЗ", Гус Хиддик. 
28 декабрь 2015 йил.  "Манчестер Юнайтед" 0-0 "Челси", ғолиб йўқ.

Кўриб турганингиздек сал кам 20 йилдан бери давом этаётган ван Гал ҳамда Хиддинк ўртасидаги баҳсда кўпроқ Хиддинкнинг қўли баланд келган. Эртага бўлиб ўтадиган ўйинда фаворит номи аниқ эмас. Шу боис ғолиб ким бўлишини ҳам олдиндан тахмин қилиш мушкул. Бу сафарги тўқнашувда қайси мутахассиснинг тактикалари ютиб чиқишини эса тез орада билиб оламиз.