Ўзбекистонда хизмат кўрсатган артист Гулбаҳор Эрқулова Ўзбекистон халқ артисти Гулсанам Мамазоитовани тўйбоп қўшиқни оммага реклама қилишда айблади.
Ўзбекистонда хизмат кўрсатган артист Гулбаҳор Эрқулова интернетдаги ижтимоий тармоқларда фаол санъаткорлардан саналади. Хонанда бугун facebook.com тармоғидаги шахсий саҳифасига Ўзбекистон халқ артисти Гулсанам Мамазоитова ва Фаррух Раимов ижросидаги “Куёв” қўшиғига ишланган клипдан лавҳа жойлаштириб, ўз эътирозларини ёзиб қолдирди. Хонанданинг қўшиққа нисбатан муносабати бироз тушунарсиз ёзилган бўлса-да ундаги асосий мазмунни ва Гулбаҳор Эрқулова нима демоқчи бўлганини тахмин қилиб, фикрларини қоралашга ҳаракат қилдик.
Гулбаҳор Эрқулова, Ўзбекистонда хизмат кўрсатган артист:
— Ўзбекистон халқ артисти унвонига лойиқ бўлса омад! Қўшиқчи серқирра бўлиши керак, лекин тўйнинг қўшиғини оммага реклама қилиш тўғрими, билмадим. Катта саҳнага чиқиб, юртни куйлаган хонандалар бироз ўйлаб иш қилишса ёмон бўлмас эди.
Хонанданинг бу эътирозига нисбатан ўз шахсий фикрини билдирган фойдаланувчилар ҳам топилди, албатта. Уларга жавобан, Гулбаҳор Эрқулова Ўзбекистон халқ артисти Гулсанам Мамазоитованинг овози борлигини эътироф этиб, унга нисбатан шахсий адовати йўқлигини, хонанданинг ўз танлаган йўли бўлиши кераклиги ва унга лапарчилик кўпроқ ярашишини изоҳларда ёзиб қолдирди. Қизиқ, Ўзбекистон халқ артисти Гулсанам Мамазоитованинг устоз санъаткорнинг юқоридаги фикрларига нисбатан қандай муносабат билдирар экан? Биз ушбу масала юзасидан Гулсанам Мамазоитованинг турмуш ўртоғига мурожаат қилганимизда, улар бу масалага жавобан фикр билмасликларини маълум қилди.
Гулбаҳор Эрқулова, Ўзбекистонда хизмат кўрсатган артист:
— Ўзбекистон халқ артисти унвонига лойиқ бўлса омад! Қўшиқчи серқирра бўлиши керак, лекин тўйнинг қўшиғини оммага реклама қилиш тўғрими, билмадим. Катта саҳнага чиқиб, юртни куйлаган хонандалар бироз ўйлаб иш қилишса ёмон бўлмас эди.
Хонанданинг бу эътирозига нисбатан ўз шахсий фикрини билдирган фойдаланувчилар ҳам топилди, албатта. Уларга жавобан, Гулбаҳор Эрқулова Ўзбекистон халқ артисти Гулсанам Мамазоитованинг овози борлигини эътироф этиб, унга нисбатан шахсий адовати йўқлигини, хонанданинг ўз танлаган йўли бўлиши кераклиги ва унга лапарчилик кўпроқ ярашишини изоҳларда ёзиб қолдирди. Қизиқ, Ўзбекистон халқ артисти Гулсанам Мамазоитованинг устоз санъаткорнинг юқоридаги фикрларига нисбатан қандай муносабат билдирар экан? Биз ушбу масала юзасидан Гулсанам Мамазоитованинг турмуш ўртоғига мурожаат қилганимизда, улар бу масалага жавобан фикр билмасликларини маълум қилди.
Қамариддин Шайхов
