Францияда президент сайловининг биринчи босқичи 23 апрелда, иккинчи босқичи 7 майда ўтказилади.
Жорий йилда Франция президентлигига сайлов бўлиб ўтади. Франциянинг айни вақтдаги раҳбари Франсуа Олланд бу галги сайловларда иштирок этмаслиги ҳақида йил бошида баёнот берган.
“Республикачилар” партиясидан президентликка номзод бўлган Франсуа Фийон шу кунларда президент Франсуа Олландни адолатсизликда айблаб, унга қарши тергов ҳаракати бошлашни талаб қилмоқда. Бу ҳақда у “France 2” телеканалидаги чиқиши вақтида маълум қилди.
Франциянинг собиқ бош вазири Франсуа Фийон тез орада “Бове майдонига хуш келибсиз. Полиция: 5 йилликнинг ақл бовар қилмас сирлари” номли китоб тақдим этилишини маълум қилди. Унинг айтишича, Франсуа Олланд ўзи учун манфаатли деб билган мансабдор шахсларнинг телефон қўнғироқларини ёзиб олган. Франсуа Фийон бу ҳаракат қонунга зид эканлигини таъкидлади.
“Мен мазкур китобда келтирилган маълумотларга асосланган ҳолда, зудлик билан тергов ҳаракатларини бошлашни расман талаб қиламан. Сабаби, бу давлат даражасидаги можаро. Ҳали ҳеч бир президент бу қадар ноқонуний ҳаракатларни амалга оширмаган эди”, дейди Фийон.
Франсуа Олланд эса бу айбловлар асоссиз эканлигини таъкидламоқда. Елисей саройининг расмий хабарида президент ҳеч қачон ҳуқуқни муҳофаза қилиш органлари ишларига аралашмагани қайд этилган.
Бир неча кун аввал, Франциянинг молия прокуратураси Франсуа Фийонни фирибгарликда айбдор, деб гумонланаётгани ҳақида хабарлар тарқалганди. Шунингдек, Франсуа Фийон рафиқасини ишга олиш учун сохта ҳужжатлар тайёрлаганликда ҳам гумонланмоқда.
Дастлабки тергов ва суриштирув жараёни сифатида полиция Фийоннинг шаҳардан ташқаридаги уйи ва Париждаги резиденциясида тинтув ўтказди. Бунга Пенелопа Фийоннинг ноқонуний равишда 500 минг евро миқдорда пул олгани ҳақидаги маълумот сабаб бўлди. Франциянинг “Le Canard Enchaine” газетасида ёзилишича, Пенелопа Фийон турмуш ўртоғининг ёрдамчиси сифатида давлат бюджетидан маош олган, аммо ўз хизмат вазифаларини бажармаган.
Бундан ташқари, Франсуа Фийон Россия Федерацияси президенти Владимир Путин ва хорижий бизнесменлар билан учрашув учун 50 минг доллар миқдорда пул олгани айтилмоқда. Россия раҳбарининг матбуот котиби Дмитрий Песков бу маълумотлар сохта эканини, Франсуа Фийоннинг ўзи эса ёлғонлигини таъкидлаган.
“Республикачилар” партиясидан президентликка номзод бўлган Франсуа Фийон шу кунларда президент Франсуа Олландни адолатсизликда айблаб, унга қарши тергов ҳаракати бошлашни талаб қилмоқда. Бу ҳақда у “France 2” телеканалидаги чиқиши вақтида маълум қилди.
Франциянинг собиқ бош вазири Франсуа Фийон тез орада “Бове майдонига хуш келибсиз. Полиция: 5 йилликнинг ақл бовар қилмас сирлари” номли китоб тақдим этилишини маълум қилди. Унинг айтишича, Франсуа Олланд ўзи учун манфаатли деб билган мансабдор шахсларнинг телефон қўнғироқларини ёзиб олган. Франсуа Фийон бу ҳаракат қонунга зид эканлигини таъкидлади.
“Мен мазкур китобда келтирилган маълумотларга асосланган ҳолда, зудлик билан тергов ҳаракатларини бошлашни расман талаб қиламан. Сабаби, бу давлат даражасидаги можаро. Ҳали ҳеч бир президент бу қадар ноқонуний ҳаракатларни амалга оширмаган эди”, дейди Фийон.
Франсуа Олланд эса бу айбловлар асоссиз эканлигини таъкидламоқда. Елисей саройининг расмий хабарида президент ҳеч қачон ҳуқуқни муҳофаза қилиш органлари ишларига аралашмагани қайд этилган.
Бир неча кун аввал, Франциянинг молия прокуратураси Франсуа Фийонни фирибгарликда айбдор, деб гумонланаётгани ҳақида хабарлар тарқалганди. Шунингдек, Франсуа Фийон рафиқасини ишга олиш учун сохта ҳужжатлар тайёрлаганликда ҳам гумонланмоқда.
Дастлабки тергов ва суриштирув жараёни сифатида полиция Фийоннинг шаҳардан ташқаридаги уйи ва Париждаги резиденциясида тинтув ўтказди. Бунга Пенелопа Фийоннинг ноқонуний равишда 500 минг евро миқдорда пул олгани ҳақидаги маълумот сабаб бўлди. Франциянинг “Le Canard Enchaine” газетасида ёзилишича, Пенелопа Фийон турмуш ўртоғининг ёрдамчиси сифатида давлат бюджетидан маош олган, аммо ўз хизмат вазифаларини бажармаган.
Бундан ташқари, Франсуа Фийон Россия Федерацияси президенти Владимир Путин ва хорижий бизнесменлар билан учрашув учун 50 минг доллар миқдорда пул олгани айтилмоқда. Россия раҳбарининг матбуот котиби Дмитрий Песков бу маълумотлар сохта эканини, Франсуа Фийоннинг ўзи эса ёлғонлигини таъкидлаган.
Дурдона Расулова
