ЎФФ президенти кеча ФИФА президенти билан Швейцариянинг Цюрих шаҳрида учрашиб, бир қатор масалаларни муҳокама қилди.
Аввал хабар бериб ўтганимиздек, кеча 21 сентябрь куни Ўзбекистон футбол федерацияси президенти Умид Аҳмаджонов халқаро футбол федерацияси (ФИФА) президенти Жанни Инфантино билан Швейцариянинг Цюрих шаҳрида учрашди.
Умид Аҳмаджонов Жанни Инфантино билан ўтказган учрашувида Ўзбекистон футбол федерациясининг барча турдаги фаолиятини, айниқса, молиявий жиҳатдан шаффофлаштириш бўйича бир қанча музокаралар олиб борди.
Шунингдек, “Форвард” лойиҳаси бўйича батафсил музокаралар олиб борган ва лойиҳа тарғиботи учун ФИФА ЎФФга 2018 йилнинг охиригача 3.5 миллион АҚШ доллари, 2019 йилда эса яна 1.5 миллион АҚШ доллари ўтказиб беради.
“Бу пуллар қаердан келади, ёки “Форвард” лойиҳаси нима?” деган саволга ФИФАга янги президент бўлиб сайланган Жанни Инфантинонинг Конгрессда сўзланган нутқини жавоб сифатида келтириш мумкин.
Мексикада бўлиб ўтган Конгрессда Инфантино ФИФАнинг даромади унга аъзо федерацияларга тақсимлаб берилиши кераклигини айтганди. Ана шу гапларнинг исботи тариқасида Инфантино янги ривожлантириш лойиҳасини ишга туширди.
Мазкур лойиҳа доирасида ФИФАга аъзо ҳар бир федерация, шу жумладан Ўзбекистон ҳам, 4 йил муддатга 5 миллион АҚШ доллари миқдорида пул олади. Бу пуллар ФИФАнинг “Форвард” лойиҳаси регламентида айтиб ўтилганидек федерациянинг ишини юритиш, маъмурий бошқарув ишлари, шунингдек, терма жамоалар, Республика миқёсидаги мусобақаларни ўтказиш, веб-сайт ишларини такомиллаштириш каби алоҳида белгилаб қўйилган ишларга сарфланиши керак.Амалий ишлар тугагач, ФИФА 5 миллион АҚШ долларини 4 йил ичида ўрнатилга тартибда федерацияларга аудит асосида ўтказиб беради.
Алоҳида таъкидлаш керакки, Умид Аҳмаджоновнинг ФИФА билан музокаралари натижасида махсус лойиҳалар учун ФИФА билан 2017-2018 йилги даврга 1,5 миллион АҚШ доллари миқдорида шартнома имзоланадиган бўлди.
Аҳмаджоновнинг топшириғи асосида Тошкентда ушбу шартнома шартларини бажариш бўйича ишчи гуруҳи тузилиб, унга белгиланган муддат ичида барча хужжатларни Цюрихга юбориш вазифаси бирламчи қилиб қўйилди.
Бундан ташқари 2016 йилги махсус лойиҳалар учун ўз ҳисобидан маблағ ишлатиб турган ЎФФга ҳаражатларни қоплаш мақсадида 1 миллион АҚШ долларини ўтказиб бериладиган бўлди. Жанни Инфантино келгусида ФИФАнинг футболни ривожлантиришга йўналтирилган молиявий грант дастурларида Ўзбекистоннинг фаол иштирок этишига умид билдирди.
Умид Аҳмаджонов ва Жанни Инфантино ўртасидаги суҳбатда ФИФАнинг “Гол-4” лойиҳаси бўйича ЎФФнинг ҳисоб рақамига ўтказилиши керак бўлган маблағларни кечиктирмасдан олиш, миллий терма жамоага автобус сотиб олиш учун ажратиладиган маблағнинг миқдорини ошириш каби масалалар муҳокама қилинди.
“Гол-4” лойиҳаси ФИФАнинг собиқ президенти Зепп Блаттер давридаги ривожлантириш лойиҳаларининг охиргиси бўлиб, унинг доирасида Ўзбекистон Футбол Федерациясига 500,000 АҚШ доллари миқдорида маблағ берилади.
Бу пулларнинг бир қисми аллақачон Ўзбекистон Футбол Федерацияси биносини қайта таъмирлаш учун ишлатилган. Қолган қисми эса миллий терма жамоага янги автобус сотиб олиш учун сарфланади. Шу тариқа ЎФФ ФИФАнинг “Гол” лойиҳаларидаги иштирокини тамомлайди.
“Биз ЎФФнинг фаолиятини шаффофлаштириш орқали ишқибозларнинг Ўзбекистон футболига бўлган ҳурмат ва эътиборини, ишончини қайтаришни мақсад қилдик. Федерация эндиликда, барча турдаги фаолиятлар, шу жумладан, молиявий операциялар ҳақида вақти-вақти билан ҳисобот бериб туради”, - дейди Умид Аҳмаджонов Инфантино билан учрашувдан берган интервьюсида.
Аввалроқ, Умид Аҳмаджонов Инфантинодан ФИФА таснифидаги халқаро тадбир ва мусобақаларни Ўзбекистонда ўтказиш бўйича бир қанча музокараларни олиб боргани ва бундан ташқари, таниқли футбол юлдузлари Ўзбекистондаги ёш футболчиларга мастер-класс ўтаб бериши ва жаҳон футболида фаолият олиб бораётган топ-мураббийларни Ўзбекистонда назарий ва амалий машғулотлар ўтказиб беришлари учун таклиф қилишда амалий ёрдам беришини сўрагани ҳақида хабар бергандик.
Эслатиб ўтамиз, жорий йилнинг 12 сентябрь куни Ўзбекистон футбол федерациясида ҳисобот-сайлов конференцияси бўлиб ўтди.
Унда Умид Аҳмаджонов ЎФФнинг янги президенти сифатижа оммага таништирилди. Конференцияси иштирокчилари бир овоздан Умид Аҳмаджоновнинг номзодига овоз беришган.
Маълумот учун, Умид Аҳмаджонов бошчилигидаги ЎФФ делегацияси Швейцариядан Тошкентга шу ҳафта охирида қайтиб келади.
Умид Аҳмаджонов Жанни Инфантино билан ўтказган учрашувида Ўзбекистон футбол федерациясининг барча турдаги фаолиятини, айниқса, молиявий жиҳатдан шаффофлаштириш бўйича бир қанча музокаралар олиб борди.
Шунингдек, “Форвард” лойиҳаси бўйича батафсил музокаралар олиб борган ва лойиҳа тарғиботи учун ФИФА ЎФФга 2018 йилнинг охиригача 3.5 миллион АҚШ доллари, 2019 йилда эса яна 1.5 миллион АҚШ доллари ўтказиб беради.
“Бу пуллар қаердан келади, ёки “Форвард” лойиҳаси нима?” деган саволга ФИФАга янги президент бўлиб сайланган Жанни Инфантинонинг Конгрессда сўзланган нутқини жавоб сифатида келтириш мумкин.
Мексикада бўлиб ўтган Конгрессда Инфантино ФИФАнинг даромади унга аъзо федерацияларга тақсимлаб берилиши кераклигини айтганди. Ана шу гапларнинг исботи тариқасида Инфантино янги ривожлантириш лойиҳасини ишга туширди.
Мазкур лойиҳа доирасида ФИФАга аъзо ҳар бир федерация, шу жумладан Ўзбекистон ҳам, 4 йил муддатга 5 миллион АҚШ доллари миқдорида пул олади. Бу пуллар ФИФАнинг “Форвард” лойиҳаси регламентида айтиб ўтилганидек федерациянинг ишини юритиш, маъмурий бошқарув ишлари, шунингдек, терма жамоалар, Республика миқёсидаги мусобақаларни ўтказиш, веб-сайт ишларини такомиллаштириш каби алоҳида белгилаб қўйилган ишларга сарфланиши керак.Амалий ишлар тугагач, ФИФА 5 миллион АҚШ долларини 4 йил ичида ўрнатилга тартибда федерацияларга аудит асосида ўтказиб беради.
Алоҳида таъкидлаш керакки, Умид Аҳмаджоновнинг ФИФА билан музокаралари натижасида махсус лойиҳалар учун ФИФА билан 2017-2018 йилги даврга 1,5 миллион АҚШ доллари миқдорида шартнома имзоланадиган бўлди.
Аҳмаджоновнинг топшириғи асосида Тошкентда ушбу шартнома шартларини бажариш бўйича ишчи гуруҳи тузилиб, унга белгиланган муддат ичида барча хужжатларни Цюрихга юбориш вазифаси бирламчи қилиб қўйилди.
Бундан ташқари 2016 йилги махсус лойиҳалар учун ўз ҳисобидан маблағ ишлатиб турган ЎФФга ҳаражатларни қоплаш мақсадида 1 миллион АҚШ долларини ўтказиб бериладиган бўлди. Жанни Инфантино келгусида ФИФАнинг футболни ривожлантиришга йўналтирилган молиявий грант дастурларида Ўзбекистоннинг фаол иштирок этишига умид билдирди.
Умид Аҳмаджонов ва Жанни Инфантино ўртасидаги суҳбатда ФИФАнинг “Гол-4” лойиҳаси бўйича ЎФФнинг ҳисоб рақамига ўтказилиши керак бўлган маблағларни кечиктирмасдан олиш, миллий терма жамоага автобус сотиб олиш учун ажратиладиган маблағнинг миқдорини ошириш каби масалалар муҳокама қилинди.
“Гол-4” лойиҳаси ФИФАнинг собиқ президенти Зепп Блаттер давридаги ривожлантириш лойиҳаларининг охиргиси бўлиб, унинг доирасида Ўзбекистон Футбол Федерациясига 500,000 АҚШ доллари миқдорида маблағ берилади.
Бу пулларнинг бир қисми аллақачон Ўзбекистон Футбол Федерацияси биносини қайта таъмирлаш учун ишлатилган. Қолган қисми эса миллий терма жамоага янги автобус сотиб олиш учун сарфланади. Шу тариқа ЎФФ ФИФАнинг “Гол” лойиҳаларидаги иштирокини тамомлайди.
“Биз ЎФФнинг фаолиятини шаффофлаштириш орқали ишқибозларнинг Ўзбекистон футболига бўлган ҳурмат ва эътиборини, ишончини қайтаришни мақсад қилдик. Федерация эндиликда, барча турдаги фаолиятлар, шу жумладан, молиявий операциялар ҳақида вақти-вақти билан ҳисобот бериб туради”, - дейди Умид Аҳмаджонов Инфантино билан учрашувдан берган интервьюсида.
Аввалроқ, Умид Аҳмаджонов Инфантинодан ФИФА таснифидаги халқаро тадбир ва мусобақаларни Ўзбекистонда ўтказиш бўйича бир қанча музокараларни олиб боргани ва бундан ташқари, таниқли футбол юлдузлари Ўзбекистондаги ёш футболчиларга мастер-класс ўтаб бериши ва жаҳон футболида фаолият олиб бораётган топ-мураббийларни Ўзбекистонда назарий ва амалий машғулотлар ўтказиб беришлари учун таклиф қилишда амалий ёрдам беришини сўрагани ҳақида хабар бергандик.
Эслатиб ўтамиз, жорий йилнинг 12 сентябрь куни Ўзбекистон футбол федерациясида ҳисобот-сайлов конференцияси бўлиб ўтди.
Унда Умид Аҳмаджонов ЎФФнинг янги президенти сифатижа оммага таништирилди. Конференцияси иштирокчилари бир овоздан Умид Аҳмаджоновнинг номзодига овоз беришган.
Маълумот учун, Умид Аҳмаджонов бошчилигидаги ЎФФ делегацияси Швейцариядан Тошкентга шу ҳафта охирида қайтиб келади.
Акмалхон Эшонхонов
