Бундан кейин қиммат картошка ваҳимаси бўлмайди

Агар бирор-бир маҳсулот етишмай қолса, дефицит бошланади. Дефицит бошланса, нархлар кўтарилади. Давлат муҳим товарлар нархини нормал даражада ушлаб турмоқчи.
 
Шунинг учун махсус республика комиссияси пайдо бўлади. Ушбу комиссия нархлардан хабардор бўлиб, Вазирлар Маҳкамасига кўрсатма бериб туради. Вазирлар Маҳкамаси эса махсус тузилган фонд пулига ташқи бозордан гўшт, ёғ, ғалла, ун, картошка, пиёз ва бошқа муҳим товарларни сотиб олади. Кейин уларни талаб ва таклифга тўғрилаб, ўзимизда сотади.
 
Ушбу мезон “Республика аҳолисини ижтимоий аҳамиятга эга озиқ-овқат товарларининг асосий турлари билан ишончли таъминлашга оид кечиктириб бўлмайдиган чора-тадбирлар тўғрисида”ги қарорда белгилаб қўйилган.