Жаҳон чемпионатида иштирок этиш йўлланмаси учун фақатгина битта ўрин қолди. 31-сининг эгаси...
Бугун, 15 ноябрь куни 2018 йил Россияда бўлиб ўтадиган футбол бўйича жаҳон чемпионатининг финал босқичига чиқиш учун Австралия ҳамда Гондурас терма жамоалари ўртасида ўтиш ўйини бўлиб ўтди.
31-йўлланмага эга чиқиш учун кечган муросасиз баҳсида 3:1 ҳисоби қайд этилиб, мезбонлар ишончли ғалабага эришишди.
Австралияликлар сардори Милош Йединак бугун хетт-рик муаллифига айланиб, ўйин қаҳрамони бўлиш билан бирга жамоасига муҳим бўлган ғалабани тақдим этди.
Йединак учрашув давомида ҳақиқий сардор қандай ўйнашини барчага исботлаб қўйди, десак хато қилмаган бўлардик.
Чунки Милош бугунги ўйинда сардорлик боғичини масъулият ила қўлига тақди ва учта гол уриб, Австралияга келаси йил Россияга бориш имкониятини совға қилди.
Гондурасликлар фақатгина сўнгги дақиқалардагина ҳисобни қисқартира олишди. Шу тариқа, ўйин мезбонлар фойдасига ҳал бўлди.
15 ноябрь, 14.00, “ANZ Stadium”
Австралия–Гондурас — 3:1.
Голлар: Йединак (53, 72, 85, пенальти.) – Элис (90+1).
Австралия: Райан, Бехич, Райт, Сэйнсбери, Миллиган (Тройси, 89), Муй, Единак, Лекки, Рогич (Круз, 77), Кэйхилл (Юрич, 66), Жерман.
Гондурас: Эскобер, Фигероа, Паласиос, Исагирре (Фигероа, 42; Мартинес, 73), Альварадо, Акоста, Кларос, Бекелес, Лосано, Элис, Киото (Эрнандес, 75).
Огоҳлантиришлар: Жерман (3), Фигероа (19), Муй (45), Кларос (57), Лекки (81), Паласиос (84), Сэйнсбери (88).
Дастлабки учрашув: 0:0.
Эслатиб ўтамиз, бугун Дания терма жамоаси Ирландияни сафар ўйинида йирик 5:1 ҳисобида мағлубиятга учратиб, 30-йўлланмага эга бўлишганди.
Жаҳон чемпионати гуруҳ босқичида 32 та жамоа иштирок этади. Ҳозирча 30 жамоа ушбу нуфузли мусобақада иштирок этиш ҳуқуқини қўлга киритиб бўлди.
Қолган гуруҳ босқичидаги ва плей-офф учрашувлари шу ой якунига қадар бўлиб ўтади ва барча — 32 жамоа рўйхати аниқ бўлади. Гуруҳ босқичига қуръа ташлаш маросими 1 декабрь куни ўтказилади.
Қуйида ЖЧ–2018да иштирок этадиган жамоаларнинг тўлиқ рўйхати билан танишинг: Россия, Бразилия, Эрон, Япония, Мексика, Бельгия, Жанубий Корея, Саудия Арабистони, Германия, Англия, Испания, Нигерия, Коста-Рика, Польша, Миср, Исландия, Сербия, Португалия, Франция, Уругвай, Аргентина, Колумбия, Панама, Сенегал, Тунис, Марокаш, Швейцария, Хорватия, Швеция, Дания, Австралия.
ЖЧ–2018 финал босқичи 2018 йилнинг 14 июнь кунидан 15 июль кунига қадар Россиянинг 11 шаҳри: Москва, Санкт-Петербург, Казань, Сочи, Нижний Новгород, Самара, Калининград, Екатеринбург, Саранск, Волгоград ва Ростов на-Донудаги 12 та стадионда бўлиб ўтади.
Мусобақанинг амалдаги чемпионлари — Германия терма жамоаси мундиал йўлланмасига аввалроқ эга чиқишган.
31-йўлланмага эга чиқиш учун кечган муросасиз баҳсида 3:1 ҳисоби қайд этилиб, мезбонлар ишончли ғалабага эришишди.
Австралияликлар сардори Милош Йединак бугун хетт-рик муаллифига айланиб, ўйин қаҳрамони бўлиш билан бирга жамоасига муҳим бўлган ғалабани тақдим этди.
Йединак учрашув давомида ҳақиқий сардор қандай ўйнашини барчага исботлаб қўйди, десак хато қилмаган бўлардик.
Чунки Милош бугунги ўйинда сардорлик боғичини масъулият ила қўлига тақди ва учта гол уриб, Австралияга келаси йил Россияга бориш имкониятини совға қилди.
Гондурасликлар фақатгина сўнгги дақиқалардагина ҳисобни қисқартира олишди. Шу тариқа, ўйин мезбонлар фойдасига ҳал бўлди.
15 ноябрь, 14.00, “ANZ Stadium”
Австралия–Гондурас — 3:1.
Голлар: Йединак (53, 72, 85, пенальти.) – Элис (90+1).
Австралия: Райан, Бехич, Райт, Сэйнсбери, Миллиган (Тройси, 89), Муй, Единак, Лекки, Рогич (Круз, 77), Кэйхилл (Юрич, 66), Жерман.
Гондурас: Эскобер, Фигероа, Паласиос, Исагирре (Фигероа, 42; Мартинес, 73), Альварадо, Акоста, Кларос, Бекелес, Лосано, Элис, Киото (Эрнандес, 75).
Огоҳлантиришлар: Жерман (3), Фигероа (19), Муй (45), Кларос (57), Лекки (81), Паласиос (84), Сэйнсбери (88).
Дастлабки учрашув: 0:0.
Эслатиб ўтамиз, бугун Дания терма жамоаси Ирландияни сафар ўйинида йирик 5:1 ҳисобида мағлубиятга учратиб, 30-йўлланмага эга бўлишганди.
Жаҳон чемпионати гуруҳ босқичида 32 та жамоа иштирок этади. Ҳозирча 30 жамоа ушбу нуфузли мусобақада иштирок этиш ҳуқуқини қўлга киритиб бўлди.
Қолган гуруҳ босқичидаги ва плей-офф учрашувлари шу ой якунига қадар бўлиб ўтади ва барча — 32 жамоа рўйхати аниқ бўлади. Гуруҳ босқичига қуръа ташлаш маросими 1 декабрь куни ўтказилади.
Қуйида ЖЧ–2018да иштирок этадиган жамоаларнинг тўлиқ рўйхати билан танишинг: Россия, Бразилия, Эрон, Япония, Мексика, Бельгия, Жанубий Корея, Саудия Арабистони, Германия, Англия, Испания, Нигерия, Коста-Рика, Польша, Миср, Исландия, Сербия, Португалия, Франция, Уругвай, Аргентина, Колумбия, Панама, Сенегал, Тунис, Марокаш, Швейцария, Хорватия, Швеция, Дания, Австралия.
ЖЧ–2018 финал босқичи 2018 йилнинг 14 июнь кунидан 15 июль кунига қадар Россиянинг 11 шаҳри: Москва, Санкт-Петербург, Казань, Сочи, Нижний Новгород, Самара, Калининград, Екатеринбург, Саранск, Волгоград ва Ростов на-Донудаги 12 та стадионда бўлиб ўтади.
Мусобақанинг амалдаги чемпионлари — Германия терма жамоаси мундиал йўлланмасига аввалроқ эга чиқишган.
Акмалхон Эшонхонов
