22 апрель куни кутилаётган об-ҳаво

Эрталабдан қуёш нури дилларни хушнуд этиб туради-ю, тушдан кейин ҳаво булутланиб ёмғир ёғади. Об-ҳавонинг бундай инжиқликлари баҳор фаслига мос. 22 апрель куни ёғингарчиликсиз об-ҳаво ваъда қилинмоқда.
 
Гидрометеорология марказининг хабар қилишича, Тошкент шаҳрида ҳарорат кундузи +20... +22, кечаси +10... +12 даража иссиқ бўлади.
 
Қорақалпоғистон Республикаси ва Хоразм вилоятида ҳаво ўзгариб туради, ёғингарчилик кузатилмайди. Ҳарорат кундузи +23... +28, кечаси +6... +11 бўлади. Шарқдан сониясига 3-8 метр тезликда шамол эсади.
 
Бухоро ва Навоий вилоятларида ҳам ёғингарчилик кузатилмайди. Ҳарорат кундузи +23... +28, кечаси +10... +15 бўлади. Шарқдан сониясига 3-8 метр тезликда шамол эсади.

Самарқанд, Жиззах ва Сирдарё вилоятларида ҳаво ҳарорати кундузи +20... +25, кечаси эса +8... +13 даража бўлиши кутилмоқда. Шарқдан сониясига 3-8 метр тезликда шамол эсади.

Қашқадарё ва Сурхондарё вилоятларида ҳарорат кундузи +25... +30, кечаси +10... +15 даража  бўлади. Шарқдан сониясига 3-8 метр тезликда шамол эсади.
 
Фарғона водийсида ҳам ёғингарчилик кузатилмайди. Ҳарорат +20... +25, кечаси эса +10... +15 бўлиши кутилмоқда. Шарқдан сониясига 5-10 метр тезликда шамол эсади.