Деновда икки минг АҚШ долларига университетга киритишни ваъда қилган фирибгарлар қўлга олинди.
Бугунги кунда ўз билимига ишонмаган ва олий таълим муассасасига ноқонуний йўллар билан киришни мақсад қилган шахслар кўплаб учрамоқда. ОТМга маълум миқдордаги пул эвазига киритиб қўйишни ваъда қилувчи фирибгарлар ҳам кўпаймоқда. Хўш, бундан фирибгарлар аҳолининг “эҳтиёжи” сабабли пайдо бўлмаяптими?
Шундай фирибгарлардан бири Сурхондарё вилояти Денов туманида қўлга олинди. Туманнинг “Буюк ипак йўли” маҳалласида яшовчи А.С. ариза билан ҳуқуқни муҳофаза қилувчи органларга мурожаат қилиб, коллеж ўқитувчиси Ж.М. А.С.ни 2 минг АҚШ доллари эвазига Россия Федерациясидаги университетларнинг бирига ўқишга киритиб қўйишни ваъда берганини баён қилган.
Ж.М. таниши ушбу университетнинг 2-курс талабаси М.М. билан ўзаро жиноий тил бириктириб, А.С.дан 1000 АҚШ долларини олган вақтда ашёвий далил билан қўлга олинди. Бу ҳақда ИИВ Матбуот хизмати хабар бермоқда.
Ж.М. ва М.М.ларга нисбатан ЎзР ЖКнинг 168-моддаси 2-қисми “в” банди билан жиноят иши қўзғатилган.
Тергов ва суриштирув ишлари олиб борилаётгани хабар қилинди.
Шундай фирибгарлардан бири Сурхондарё вилояти Денов туманида қўлга олинди. Туманнинг “Буюк ипак йўли” маҳалласида яшовчи А.С. ариза билан ҳуқуқни муҳофаза қилувчи органларга мурожаат қилиб, коллеж ўқитувчиси Ж.М. А.С.ни 2 минг АҚШ доллари эвазига Россия Федерациясидаги университетларнинг бирига ўқишга киритиб қўйишни ваъда берганини баён қилган.
Ж.М. таниши ушбу университетнинг 2-курс талабаси М.М. билан ўзаро жиноий тил бириктириб, А.С.дан 1000 АҚШ долларини олган вақтда ашёвий далил билан қўлга олинди. Бу ҳақда ИИВ Матбуот хизмати хабар бермоқда.
Ж.М. ва М.М.ларга нисбатан ЎзР ЖКнинг 168-моддаси 2-қисми “в” банди билан жиноят иши қўзғатилган.
Тергов ва суриштирув ишлари олиб борилаётгани хабар қилинди.
Зоҳиршоҳ Жўраев
