Asian Games. Ўзбекистоннинг 1/8 финалдаги рақиби маълум бўлди, у Индонезия эмас

Индонезияда давом этаётган Осиё Ўйинларининг футбол мусобақасида гуруҳ босқичи якунига етди. Шундан сўнг, нимчорак финалга чиққан жамоалар номи аниқ бўлди.
 
Ўзбекистон U23 терма жамоаси плей-оффда “А” гуруҳида 3-ўринни олган Гонконг терма жамоасига қарши баҳс олиб борадиган бўлди.
 
Мазкур ўйин 23 август куни бўлиб ўтади. Агар Равшан Ҳайдаров шогирдлари гонконгликлар тўсиғидан ўта олса, чорак финалда Эрон – Жанубий Корея жуфтлиги ғолибига қарши майдонга чиқади.
 
Осиё Ўйинлари-2018. Футбол. Нимчорак финал жуфтликлари
 
23 август, жума
Фаластин - Сурия
Вьетнам - Баҳрайн
Ўзбекистон - Гонконг
Эрон - Жанубий Корея
 
24 август, шанба
Хитой - Саудия Арабистони
Малайзия - Япония
Индонезия - БАА
Бангладеш – КХДР.
 
Эслатиб ўтамиз, аввалроқ “Qalampir.uz” Ўзбекистоннинг навбатдаги рақиби Индонезия бўлиши мумкинлигини тахмин қилган эди, аммо мезбонлар Гонконг билан ўйинда ажойиб камбэк амалга ошириб, “A” гуруҳида биринчи ўринни эгаллади.