“Рома” “Барселона” ва Мессига чиқиш эшикларини кўрсатиб қўйди

Европа Чемпионлар лигасининг чорак финалидан ўрин олган яна бир ўйин якунига етди. Унда Римнинг “Рома” клуби “Барселона”ни қабул қилиб, сенсацион тарзда ғалабага эришди.

“Барселона” дастлабки баҳсда 4:1 ҳисоби билан катта устунликга эга чиққанди, аммо каталонияликлар ўтказиб юборилган учта гол эвазига ярим финал йўлланмасидан қуруқ қолди.

Жеко, Де Росси ва Маноласнинг голлари “Рома”ни кейинги босқичга олиб чиқди. Шу тариқа, “Рома” – “Барселона” баҳсида кутилмаган натижа қайд этилиб, римликлар сўнгги 34 йилда илк марта ярим финал йўлланмасини қўлга киритди.

ЕЧЛ, 1/4 финал. жавоб баҳси.
“Рома” – “Барселона” 3:0.
Голлар: Жеко (6), де Росси (58, пенальти), Манолас (82).

“Рома”: Алиссон, Фасио, Жезус, Коларов, Манолас, Наингголан (Эль-Шаарави, 77), Флоренци, Стротман, де Росси, Джеко, Шик (Ундер, 73).

“Барселона”: тер Стеген, Пике, Альба, Нелсон Семеду (Дембеле, 85), Умтити, Серхи Роберто, Ракитич, Бускетс (Пако Алькасер, 85), Иньеста (Андре Гомеш, 81), Месси, Суарес.

Огоҳлантиришлар: Фасио (38), Жезус (44), Пике (57), Месси (63), Суарес (72).

Дастлабки баҳс: 1:4.