“Нефтчи” ғалабасиз сериясини Фарғонада давом эттирди

Ўзбекистон Суперлигасининг 8-туридан ўрин олган 2Нефтчи” ҳамда “Металлург” клублари ўртасидаги учрашув ниҳоясига етди.
 
Унда 0:0 ҳисоби қайд этилиб, жамоалар муроса кўчасини танлашди. Ўйиннинг асосий қисми тенгкурашлар остида ўтди. Ҳар икки жамоада ҳам дарвозани ишғол этишга вазиятлар бўлганига қарамай, финал ҳуштагига қадар мухлислар гол гувоҳига айланмадилар.
 
Шу тариқа, “Нефтчи” очколари сонини учтага етказиб, ҳамон мусобақа жадвалининг сўнгги поғонасида бораётган бўлса, “Металлург” 10 очко билан 6-ўринга кўтарилди.
 
Суперлига, 8-тур.
“Нефтчи” – “Металлург” 0:0.
 
“Нефтчи”: Виталий Мирний, Искандар Шойқулов, Шукурали Пўлатов, Отабек Аҳмаджонов (Аваз Агалиев, 46), Муродбек Бобожонов, Аббосбек Махсталиев, Аброрбек Исмоилов, Абдужамол Исроилов, Абдураҳмон Абдулҳақов, Исломбек Каримов (Абдул Азиз Юсупов, 78), Достонбек Турсунов (Даврон Маматов, 54).
 
“Металлург”: Жавоҳир Илёсов, Аббос Отахонов, Шаҳзод Шайманов, Забиҳило Ўринбоев, Исломбек Исоқжонов, Жасур Ҳасанов, Шерзод Файзиев, Акбаржон Исматуллаев, Аброр Хусинов, Павел Смоляченко, Павел Пуришкин.