...
МЕНЮ
ONLINE TV

“Ламбада” қўшиғи ижрочиси ўлдириб кетилди. Қотил маълум


13:38, 20.01.2017 Шоу-бизнес
 5 658

У Лоалва Бразнинг ўлдириш режасини амалга оширишда иштирок этганлигини тан олди. Унинг айтишича, бу жиноятга яна 2 киши алоқадор.

19 январь куни Бразилиянинг Рио-де-Жанейро шаҳрининг Сакуарема туманида ёқиб юборилган автомобиль ва унинг ичида хонанда Лоалва Бразнинг жасади топилди. Лоалва Браз “Chorando Se Foi” ёки халқ орасида “Ламбада” номи билан машҳур бўлган қўшиқ орқали мухлисларга яхши таниш эди.
 
Полиция хонанда яшаган меҳмонхонага икки киши ҳужум қилгани ва улар аввалига уни ўғирлаб кетишгани, кейинчалик, қасддан ўлдиришганини хулоса қилди. Айни вақтда хонандани ўлдирганликда гумонланаётган бир киши қўлга олинган. Бу ҳақда “Globo” нашри хабар берди.
 

Маълумотларга кўра, гумонланаётган кимса сўнгги 15 кун мобайнида 63 ёшли хонанда истиқомат қилаётган меҳмонхонада ишлаган. У Лоалва Бразнинг ўлдириш режасини амалга оширишда иштирок этганлигини тан олди. Унинг айтишича, бу жиноятга яна 2 киши алоқадор.
 
Тергов хулосаларига кўра, 19 январь куни  2 киши Лоалва Бразнинг хонасига бостириб киришган. Хонанда ёрдам сўраб бақирган, аммо бу самарасиз кечган.
 
Жиноятчилар уни машинага ўтиришга мажбурлашган ва олиб кетишган. Кейинчалик хонанданинг жасади ёниб кетган автомобиль ичидан топилган.
 
Маълумот ўрнида, Лоалва Браз 13 ёшидаёқ куйлашни бошлаган. Машҳур “Ламбада” қўшиғини 1989 йилда “Каома” гуруҳи билан ҳамкорликда ёзган.
Дурдона Расулова 

Теглар:Лоалва Браз Ламбада 

Дўстларингиз билан бўлишинг:



Изоҳлар




Изоҳлар


Биринчи бўлиб ўз фикрингизни қолдиринг!