Ёнғин содир бўлганда нималар қилиш кераклигини биласизми?

Тўғри, даставвал махсус хизматга қўнғироқ қилиш лозим! Бироқ энг тезкор ўт ўчириш хизмати ҳам ўша оннинг ўзидаёқ ҳозиру нозир бўла олмайди. Маълум бир вақт керак...

• зудлик билан “101” рақамига қўнғироқ қилиб, ўт ўчирувчилар, яъни ёнғин хавфсизлиги хизматини ёрдамга чақиринг;

• биринчи навбатда болалар ва қарияларни ташқарига (ёки ичкарига, хатарсиз жойга) олиб чиқинг;

• зинаяпоя майдончасидаги электр улагич қутисидан (шитдан) хонадонингизга электр қуввати кирадиган мурватни ўчиринг;

• аланга хавфли бўлмаса сув (агар бу аланга олишни кучайтирмаса), кир ювиш кукуни ёки қалин мато билан (ҳаво таъминотини узиб қўйиш орқали) мустақил равишда (эҳтиёткорлик билан) ўт ўчиришга ҳаракат қилинг;

• болалар ва саросимага тушиб қолган катталар ўт ўчиришга уринмаганликлари маъқул;

• зарурият туғилмаса эшик ва деразаларни очманг (бу аланга учун зарур ҳаво таъминотини очиши ва у кучайишига олиб келиши мумкин);

• агар ичкарини қуюқ туман қоплаб олган бўлиб, ўт чиққан (асосий) жойни ўчиришнинг иложи бўлмаса, ортингиздан эшикни ёпиқ ҳолда қолдирганча у ерни дарҳол тарк этинг;

• агар квартирадан зинапоялар орқали чиқишнинг иложи бўлмаса, унда балкондаги темир зинадан фойдаланинг.

• деразаларни ёпиш, бироқ жалюзини туширмаслик лозим;

• эшик ва дераза ромларидаги тирқишларни ҳўл латта билан тўсиш;

• электр қувватини узиш ва табиий газ мурватини ёпиш;

• ванна қозонини ва бошқа катта ҳажмли идишларни сувга тўлдириш;

• пардаларни юлиб ташлаш;

• дераза ёнидан тез ёнувчан буюмларни олиб ташлаш;

• пол ва эшикларга сув сепиш ва шунга ўхшаш зарур деб ҳисобланган амалиётларни бажариш мумкин.

• ёнғин кичик, яъни хавфсиз бўлмаса, ўт ўчирувчиларни чақирмасдан алангани мустақил равишда бартараф этишга уриниш;

• тутунга тўлган йўлак орқали ташқарига чиқишга уриниш;

• мўри ва тарнов трубаларига осилиб тушишга ҳаракат қилиш;

• тўртинчи ва ундан баланд қаватда ёнғин содир бўлганда пастга сакрашга уриниш.

• биринчи навбатда жиҳозни электр қувватидан (зарур бўлганда хонадон электр тармоғини) узиш;

• ёнғин хавфсизлиги хизматига хабар бериш;

• ўт чиққан хонадан бошқаларни чиқариш;

• электр қувватидан узилган жиҳознинг орқа томонидан (электр таъминотидан узилганлигини яна бир бор текшириб, амин бўлгач) сув қуйиш ва пишиқ мато билан ҳаво таъминотини узиш учун ўраш лозим.

• дарҳол ёнғин хавфсизлиги хизматига хабар беринг;

• ёнғин чиққан жойни аниқлашга урининг;

• олов ўта хавфли бўлмаган, ёнғин туфайли оғир буюмлар босиб қолмайдиган вазиятларда ўзингиз мустақил равишда ёки қўни­қўшнилар ёрдамида ўтни ўчиришга ҳаракат қилинг;

• зинапояли йўлакда олов ва тутун пастдан тепага қараб кўтарилишини ёдда тутиш лозим;

• ҳовлига чиқишга ҳаракат қилиш ва ёнғин чиққанидан бехабар қўшниларни огоҳлантириш зарур. Тутунга тўлган йўлакдан ўтаётиб нафасни ушлаб туриш ёки хўл қўлрўмолча билан оғиз ва бурунни ёпган ҳолда камроқ нафас олишга ҳаракат қилиш лозим;

• агар тутун эшиги очилмаётган хонадондан чиқиб, ортида бақир­чақир овозлар эшитилаётган бўлса, ўт ўчирувчилар келишини кутмасдан эшикни бузиб кириб, уларга ёрдам кўрсатиш лозим;

• агар зинапоя йўлагини қуюқ тутун қоплаган бўлса, орқага қайтинг ва эшик тирқишларини хўл латта билан ёпинг;

• жароҳат олганлар бўлса дарҳол тез тиббий ёрдам хизматига қўнғироқ қилинг.

• уйда ўт ўчиргич мосламаси ва ёнмайдиган мато бўлаги сақлаш лозим;

• балкон ва чердакларни керак­нокерак буюмлар билан тўлдириб ташламаслик зарур;

• хонани иситиш учун ёнувчи воситаларда фойдаланмаслик керак;

• тезда ёнувчи суюқликларни (ёнилғи) уйда сақламаслик (ёки металл қутиларда сақлаш керак) мақсадга мувофиқ.

• тоза ҳавога олиб чиқиш, зарур бўлганда сунъий нафас олдириш;

• куйган жойдан ҳеч нарсани (ёнмаётган, ёпишиб қолган кийим­кечакни) юлиб олмаслик;

• енгил куйиш содир бўлганда ўша жойни водород перекис билан ювиш ва ўсимлик ёғи суркаш, аммо бинтламаслик (боғламаслик);

• чуқур куйган жойларни тоза мато билан ёпиш ва шифохонага элтиш.