“Манчестер Сити” – “Ливерпуль”, “Барселона” – “Рома” учрашувларини ўтказиб юборманг.
Бугун, 10 апрель куни Европада чемпионлар лигасининг чорак финал жавоб ўйинлари бўлиб ўтади.
Куннинг асосий ўйини сифатида “Барселона” – “Рома” қарама-қаршилигини эмас, балки Манчестерда ўтадиган “Манчестер Сити” – “Ливерпуль” баҳсини мисол қилиб кўрсатган бўлар эдик.
Чунки “Барселона” мавсум бошидан бери ЕЧЛ ва Испания чемпионатида мағлубият нималигини билмай келмоқда.
Устига-устак каталонияликлар дастлабки ўйинда ярим финалга чиқиш масаласини деярли 80 фоизга амалга ошириб бўлишди.
Ҳар холда “Рома”нинг ҳозирги ҳолати “Барселона” билан орадаги тафовутни йўққа чиқаришга етишига ишониш мушкул.
Айниқса, римлик футболчилар ўз дарвозаларига автогол уриб турган бир пайтда кўплаб футбол ишқибозлари ярим финалга Испания вакили чиқишини истаб қолди.
Шунинг учун бугун футбол жамоатчилигининг диққат маркази “Манчестер Сити” – “Ливерпуль” ўйинига каратилади.
Ҳа, нега дейсизми, унда эътибор беринг. “Ливерпуль” биринчи ўйинни ўз майдонида ўтказди ва катта устунлик билан рақиблари устидан муваффақиятга эришди. Ғалаба бўлганда ҳам йирик ғалаба – 3:0.
“Сити” эса бу ҳисобни бугун 90 дақиқа давомида қисқартириб, ҳатто, ярим финал сари олға қадам ташлаш ҳақида ўша кунги мағлубиятдан сўнг ўйлашни бошлаб юборган.
Гвардиола шогирдларига Англияда чемпион бўлишлари учун яна бир-икки ғалаба кифоя. Албатта, “шаҳарликлар” мавсумни бир эмас, балки иккита нуфузли соврин билан якунлашни истаётгани табиий ҳол.
Шу сабабдан ўйин қизиқарли ва рақобатга бой бўлишини олдиндан тахмин қилиш мумкин.
Демак, Тошкент вақти билан соат 23:45 да бошланадиган ўйинларни ўтказиб юбормасликни тавсия қиламиз. Зеро, бугун ва эрта уйқусиз тунлар яна давом этади.
Европа Чемпионлар лигаси. 1/4 финал, жавоб ўйинлари.
“Рома” Италия – “Барселона” Испания.
23:45, “Стадио Олимпико стадиони.
Дастлабки баҳс: 1:4.
“Манчестер Сити” Англия – “Ливерпуль” Англия.
23:45, “Этиҳад Стэдиум” стадиони.
Дастлабки баҳс: 0:3.
Бугунги ўйинлар натижасини ҳар доимгидек “Qalampir.uz” нашри орқали билиб олишингиз мумкин бўлади.
Куннинг асосий ўйини сифатида “Барселона” – “Рома” қарама-қаршилигини эмас, балки Манчестерда ўтадиган “Манчестер Сити” – “Ливерпуль” баҳсини мисол қилиб кўрсатган бўлар эдик.
Чунки “Барселона” мавсум бошидан бери ЕЧЛ ва Испания чемпионатида мағлубият нималигини билмай келмоқда.
Устига-устак каталонияликлар дастлабки ўйинда ярим финалга чиқиш масаласини деярли 80 фоизга амалга ошириб бўлишди.
Ҳар холда “Рома”нинг ҳозирги ҳолати “Барселона” билан орадаги тафовутни йўққа чиқаришга етишига ишониш мушкул.
Айниқса, римлик футболчилар ўз дарвозаларига автогол уриб турган бир пайтда кўплаб футбол ишқибозлари ярим финалга Испания вакили чиқишини истаб қолди.
Шунинг учун бугун футбол жамоатчилигининг диққат маркази “Манчестер Сити” – “Ливерпуль” ўйинига каратилади.
Ҳа, нега дейсизми, унда эътибор беринг. “Ливерпуль” биринчи ўйинни ўз майдонида ўтказди ва катта устунлик билан рақиблари устидан муваффақиятга эришди. Ғалаба бўлганда ҳам йирик ғалаба – 3:0.
“Сити” эса бу ҳисобни бугун 90 дақиқа давомида қисқартириб, ҳатто, ярим финал сари олға қадам ташлаш ҳақида ўша кунги мағлубиятдан сўнг ўйлашни бошлаб юборган.
Гвардиола шогирдларига Англияда чемпион бўлишлари учун яна бир-икки ғалаба кифоя. Албатта, “шаҳарликлар” мавсумни бир эмас, балки иккита нуфузли соврин билан якунлашни истаётгани табиий ҳол.
Шу сабабдан ўйин қизиқарли ва рақобатга бой бўлишини олдиндан тахмин қилиш мумкин.
Демак, Тошкент вақти билан соат 23:45 да бошланадиган ўйинларни ўтказиб юбормасликни тавсия қиламиз. Зеро, бугун ва эрта уйқусиз тунлар яна давом этади.
Европа Чемпионлар лигаси. 1/4 финал, жавоб ўйинлари.
“Рома” Италия – “Барселона” Испания.
23:45, “Стадио Олимпико стадиони.
Дастлабки баҳс: 1:4.
“Манчестер Сити” Англия – “Ливерпуль” Англия.
23:45, “Этиҳад Стэдиум” стадиони.
Дастлабки баҳс: 0:3.
Бугунги ўйинлар натижасини ҳар доимгидек “Qalampir.uz” нашри орқали билиб олишингиз мумкин бўлади.
Акмалхон Эшонхонов
