...
МЕНЮ
ONLINE TV

Туркиядан Ўзбекистонга ўзбекчани сувдек биладиган элчи тайинланди


16:44, 21.12.2018 Олам
 4 723

Меҳмет Сурейя Эр инглиз, француз, рус, форсий, араб, ўзбек, озар, уйғур, Чиғатой ва эски Усмонли туркчаси тилларини мукаммал даражада билади.

Туркия Республикаси президенти Ражаб Тойиб Эрдўған томонидан имзоланган янги қарор билан, Туркиянинг 25 давлатдаги фавқулодда ва мухтор элчилари Анқарага қайтарилди ва уларнинг ўрнига янги элчилар тайинланди.
 
2016 йил 13 декабрдан бери Туркиянинг Ўзбекистондаги  фавқулодда ва мухтор элчиси бўлиб ишлаб келган Аҳмад Башар Шеннинг ўрнига, Туркия ҳамкорлик ва мувофиқлаштириш агентлиги (TIKA)нинг Марказий Осиё ва Кавказ ҳамда Халқаро алоқалар ва ҳамкорликлар департаментларидан масъул вице-президенти Меҳмет Сурейя Эр янги Тошкент элчиси этиб тайинланди.
 
Меҳмет Сурейя Эр TIKA’дан аввал Туркия Бош Вазирлиги Халқ дипломатияси бош координаторлигида раҳбар лавозимларидан бирида ишлаган, 2004 йилдан 2010 йилга қадар АҚШнинг Мичиган Университетида туркийшунослик фанидан дарс берган.
 
Фалсафа, сиёсатшунослик ва халқаро муносабатлар соҳасида бакалавр даражасини олган Меҳмет Сурейя Эр, кейинчалик АҚШнинг Калифорния Университетида Туркийшунослик бўйича магистрлик ва фалсафа доктори (PhD) даражасини олган.
 
Меҳмет Сурейя Эр инглиз, француз, рус, форсий, араб, ўзбек, озар, уйғур, Чиғатой ва эски Усмонли туркчаси тилларини мукаммал даражада билади.

Теглар:Меҳмет Сурейя Эр 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!