Сирдарё вилояти Ховос тумани ички ишлар бошқармасига маҳаллий аҳоли вакилларидан бири фермер хўжалигидаги 3 бош қорамол ва 6 бош қўй йўқолганини айтиб мурожаат қилган. Мазкур ҳолат юзасидан жиноий иш қўзғатилган.
ИИБ ходимлари воқеа жойига бориб, жабрланувчи ва гувоҳларни сўроқ қилишган. Шундан сўнг гумонланувчиларнинг тахминий рўйхати тузилган. Ҳолат юзасидан ўтказилган тезкор қидирув ҳаракатлари натижасида маълум бўлишича, чорва молларини бири 23 иккинчиси 37 ёш бўлган 2 нафар маҳаллий аҳоли вакиллари ўғирлашган. ИИВ матбуот хизматининг хабар беришича, ҳозирда жиноятчилар қўлга олинган. Айни вақтда жиноят юзасидан тергов-суриштирув ишлари олиб бориляпти.
Севара Нишонова
