...
МЕНЮ
ONLINE TV

Россия ЖЧ-2018нинг илк ўйинида рақибларини янчиб ташлади


23:55, 14.06.2018 Спорт
 3 285

Жаҳон чемпионати 2018 турнирининг дастлабки, очилиш баҳси бўлиб ўтди.

Бугун, 14 июнь куни Россияда старт олган жаҳон чемпионати 2018 турнирининг дастлабки, очилиш баҳси бўлиб ўтди. Унда мезбон – Россия терма жамоаси Осиё вакиллари – Саудия Арабистони термасига қарши баҳс олиб борди.
 
Ўйин бошидан тўпни ўз назорати остида ушлаган мезбонлар кўпроқ ҳужумларга ўтди ва 12-дақиқада Александр Головиннинг узатмасидан сўнг Юрий Газинский боши билан зарба йўллаб ҳисобни очди.
 
Мазкур голдан кейин ҳам руслар ўйинни ўз назорати остида ушлаб тура олди ва 43-дақиқага келиб, қарши ҳужум Денис Черишевнининг голи билан якун топди.
 
Иккинчи бўлимни осиёликлар нисбатан ишончлироқ тарзда бошлади ва бир қатор вазиятлар яратишди. Аммо гол уриш яна мезбонларга насиб этди. Аниқроғи, 71- дақиқада бироз аввал захирадан майдонга тушган Артем Дзюба тўпга биринчи тегинишининг ўзида ҳисобни йириклаштирди.
 
90-дақиқада Денис Черишев супер голи билан дублини расмийлаштирди. Орадан уч дақиқа ўтиб, ўйин қаҳрамони Александр Головин жарима зарбаси ишлади ва зарбани ўзи аъло даражада ижро этиб, ҳисобни 5:0 кўринишига келтирди. Шу тариқа, Россия ЖЧ-2018нинг илк ўйинида рақибларини янчиб ташлади.


 
"А" гуруҳи. 1-тур.
Россия – Саудия Арабистон 5:0 (2:0).
14 июнь, “Лужники”.

Голлар: Газинский (12), Черишев (43, 90), Дзюба (71), Головин (90).
 
Россия: Акинфеев, Игнашевич, Кутепов, Фернандес, Жирков, Головин, Газинский, Самедов (Кузяев, 64), Зобнин, Дзагоев (Черишев, 24), Смолов (Дзюба, 70).
 
Саудия Арабистон: Ал-Маюф, Хаусауи, Ал Шаҳрани, Ал Брейк, Хаусауи, Ал Жассим, Отайф (Ал Муваллад, 64), Ал Шеҳри (Баҳебри, 74), Ал Досари, Ал Фараж, Ал Саҳлави (Ассери, 85).



Акмалхон Эшонхонов

Теглар:Россия Саудия Арабистон ЖЧ-2018 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!