Қайноқ хабарлар: Польшада норозилик, Трампнинг янги матбуот котиби, Пентагон ал-Бағдодийнинг ўлимига ишонмайди

1. Оқ уйга янги матбуот котиби тайинланди. АҚШ президенти Дональд Трамп 21 июль куни Шон Спайсерни ишдан бўшатди. Унинг ўрнига Сара Сандерс Оқ уй ҳамда президентнинг матбуот котиби этиб тайинланди. Сара Сандерс аввал Шон Спайсернинг ўринбосари лавозимида ишлаган эди. Сара Шон Спайсер унинг учун дўст ҳамда устоз эканини таъкидлаб ўтди. Дональд Трамп шу куни молиячи Энтони Скарамуччини коммуникациялар бўйича директор этиб тайинлади.
 
2. Польшанинг йирик шаҳарларида оммавий намойишлар ўтказилмоқда. Минглаб кишилар суд ислоҳотларига қаршилик кўрсатишяпти. Варшавада норозилик акцияси мамлакатнинг Олий суд биноси қаршисида ўтказилди. Намойишларда оппозицион партия, демократияни сақлаш қўмитаси вакиллари иштирок этишмоқда. Намойишлар сабаб Польшанинг бир неча кўчалари ёпиб қўйилди.
 
3. Кенгсингтон саройи Кембриж герцоги Уильям ва герцогиня Кэтриннинг ўғли кичик шаҳзода Жоржнинг расмий портретини эълон қилди. “Герцог ва герцогиня Жоржнинг 4 ёшга тўлиши муносабати билан унинг расмий портретини тақдим этишдан мамнун”, дейилади хабарда.
 
4. АҚШ Мудофаа вазири Жеймс Мэттис ИШИД раҳбари Абу Бакр ал-Бағдодийни ҳамон тирик деб ҳисоблайди. “Ўйлашича, у тирик. Биз уни йўқ қилсаккина, ўлимига ишонишим мумкин. Ҳозирча тирик деб ҳисоблар эканмиз, уни кузатишда давом этамиз”, дейди Мэттис.