Дмитрий Медведьев “ВКонтакета” ижтимоий тармоғидаги саҳифаси орқали “Бугун Арнольд Шварценеггер 70 ёшга тўлди. Арнольд, қайт!”, деган ёзув қолдирди.
1. 31 июль куни Саудия Арабистонининг шарқида полиция патрулига ҳужум уюштирилди. Оқибатда 1 полиция вакили вафот этди, шунингдек 6 нафари яраланди. Жабрланганлар шифохонага етказилган, ҳозирда уларнинг саломатлиги қониқарли эканлиги айтилмоқда. Ҳужумни маҳаллий босқинчилар содир этганлиги тахмин қилинмоқда. Суриштирув ишлари олиб бориляпти.
2. Футбол бўйича Португалия терма жамоаси ҳамда “Реал” клуби ҳужумчиси Криштиану Роналду солиқларни тўлашдан қочганлиги учун бугун, 31 июль куни суд олдида жавоб беради. Мадрид прокуратураси Роналдуни 2011-2014 йилларда бир неча солиқ жиноятлари содир этганликда айбламоқда. Криштиану Роналду даромадининг қийматини яширган ҳолатда, умумий ҳисобда 14,7 миллион евро солиқ тўлашдан қочган. Футболчининг суд олдидаги кўрсатмаси ёпиқ тарзда ўтказилади.
3.Американинг машҳур актёри Арнольд Шварценеггер 30 июль куни 70 ёшни қарши олди. Шу муносабат билан Россия бош вазири Дмитрий Медведьев табрик йўллади. У ўзининг “ВКонтакте” ижтимоий тармоғидаги саҳифаси орқали “Бугун Арнольд Шварценеггер 70 ёшга тўлди. Арнольд, қайт!”, деган ёзув қолдирди. Дмитрий Медведьев бу изоҳ остига 2010 йилда суратга тушган фотосуратни ҳам илова қилди. Ўшанда Медведьев Россия президенти, Арнольд Шварцнеггер эса Калифорния губернатори эди.
4. Япония бош вазири Синдзо Абэ 31 июль куни АҚШ президенти Дональд Трамп билан телефон орқали мулоқот қилди. Суҳбатнинг бош мавзуси Шимолий Корея томонидан учирилган ракета бўлди. Япония ракета махсус иқтисодий зона атрофига қулаб тушганлигини таъкидламоқда.
5. Калифорния штати Лос-Анжелес шаҳрида автомобиль одамларни босиб кетди. 9 кишидан иборат оломон устига бостириб кирган машина ҳайдовчиси тўқнашувдан сўнг воқеа жойини тарк этмаган. Ҳалокат сабаб 8 киши жароҳатланиб, шифохонага ётқизилди. Полиция воқеани бахтсиз ҳодиса деб баҳолади.
Дурдона Расулова
