Террорчилар бошлиғи АҚШ томонидан берилган авиазарбалар натижасида оғир жароҳат олган эди.
ДАИШ террористик ташкилотининг раҳбарларидан бири Умар Чечен (Умар аш-Шишани) бир ҳафта олдин АҚШ ҳарбий самолётлари томонидан берилган авиазарбалар натижасида оғир яраланган эди. Пентагоннинг тасдиқлашича, террорчилар бошлиғи вафот этди. Бу ҳақда “The Guardian” хабар берди.
Асл исми Тархан Батирашвили бўлган жангари ҳақидаги маълумот учун ўтган йилнинг май ойида АҚШ давлат департаменти 5 миллион доллар миқдорида мукофот эълон қилган эди. Маълумотларга кўра, Батирашвили ДАИШ “кенгаши” аъзоси ва ташкилотнинг Суриядаги Ал-Табка шаҳрида жойлашган ҳарбий қамоқхонани бошқарган. У шунингдек, террористик ташкилотнинг молия масалаларини ҳам юритган.
Хабарда 4 март куни оғир яраланган аш-Шишани шу кунгача клиник ўлим ҳолатида бўлгани айтилмоқда.
Эслатиб ўтамиз, Аш-Шишанига ҳужум қилиш операциясида учувчисиз ҳаво аппаратлари ва одатий ҳарбий самолётлар иштирок этди. Авиазарба Суриянинг Эш-Шаддади шаҳри ҳудудида 4 март куни амалга оширилди. Мазкур ҳудудда ДАИШ томонидан уч йил олдин босиб олинган йирик нефть кони мавжуд. Эш-Шаддади стратегик жиҳатдан муҳим аҳамиятга эга. Шаҳар Ироқнинг Мосул шаҳрига борадиган шоссе устида жойлашган ва жангарилар томонидан база сифатида ишлатилади.
Асл исми Тархан Батирашвили бўлган жангари ҳақидаги маълумот учун ўтган йилнинг май ойида АҚШ давлат департаменти 5 миллион доллар миқдорида мукофот эълон қилган эди. Маълумотларга кўра, Батирашвили ДАИШ “кенгаши” аъзоси ва ташкилотнинг Суриядаги Ал-Табка шаҳрида жойлашган ҳарбий қамоқхонани бошқарган. У шунингдек, террористик ташкилотнинг молия масалаларини ҳам юритган.
Хабарда 4 март куни оғир яраланган аш-Шишани шу кунгача клиник ўлим ҳолатида бўлгани айтилмоқда.
Эслатиб ўтамиз, Аш-Шишанига ҳужум қилиш операциясида учувчисиз ҳаво аппаратлари ва одатий ҳарбий самолётлар иштирок этди. Авиазарба Суриянинг Эш-Шаддади шаҳри ҳудудида 4 март куни амалга оширилди. Мазкур ҳудудда ДАИШ томонидан уч йил олдин босиб олинган йирик нефть кони мавжуд. Эш-Шаддади стратегик жиҳатдан муҳим аҳамиятга эга. Шаҳар Ироқнинг Мосул шаҳрига борадиган шоссе устида жойлашган ва жангарилар томонидан база сифатида ишлатилади.
Руслан Сулаймонов
