Малика Абдуллахўжаева ўз меҳнат фаолиятини 1960 йили Тошкент давлат тиббиёт институти ассистенти сифатида бошлаган эди.
Ўзбекистон илм-фани оғир жудоликка учради. Тиббиёт соҳасидаги таниқли олима, Ўзбекистон Фанлар академиясининг академиги Малика Абдуллахўжаева шу йил 26 июнда 86 ёшида вафот этди. Бу ҳақда ЎзА хабар бермоқда.
Маълумот учун, Малика Абдуллахўжаева 1932 йил 28 ноябрда Россия Федерациясининг Москва шаҳрида туғилди. 1956 йили Тошкент давлат тиббиёт институти (ҳозирги Тошкент тиббиёт академияси)ни тугатиб, Россия Фанлар академияси Мия институти аспирантурасида таҳсил олди. Дастлаб номзодлик, кейинчалик докторлик диссертациясини ҳимоя қилди. Илм-фан соҳасидаги кўп йиллик хизматлари учун 2000 йилда Ўзбекистон Республикаси Фанлар академиясининг ҳақиқий аъзоси этиб сайланди.
Малика Абдуллахўжаева ўз меҳнат фаолиятини 1960 йили Тошкент давлат тиббиёт институти ассистенти сифатида бошлади. Истеъдодли олима қарийб 60 йиллик илмий-педагогик фаолияти давомида Рентгенология, радиология ва онкология илмий-тадқиқот институти (ҳозирги Республика ихтисослаштирилган онкология ва радиология илмий-амалий тиббиёт маркази) лабораторияси мудири, Тошкент давлат тиббиёт институтида кафедра мудири, Ўзбекистон Республикаси патологоанатомик маркази директори каби лавозимларда самарали меҳнат қилиб, мамлакатимизда соғлиқни сақлаш соҳасини ривожлантириш, тиббиёт фанининг долзарб масалаларини тадқиқ этиш, юқори малакали илмий-педагог кадрлар тайёрлаш ишига муносиб ҳисса қўшди.
Заҳматкаш олиманинг тиббиёт соҳасининг назарий ва амалий масалаларига бағишланган 300 дан зиёд илмий мақолалари, 20 га яқин китоб ва монографиялари ҳамда 10 га яқин муаллифлик ишлари Ўзбекистон ва хорижий мамлакатлар олимлари ва мутахассисларига яхши маълум. Айниқса, Ўзбекистонда патологоанотомик хизматни ташкил этиш, мазкур соҳадаги самарали илмий ишланмалари билан янги ва замонавий тиббиёт йўналишларини ривожлантириш борасида фидокорона меҳнат қилиб, ўзининг илмий изланишлари, раҳбарлик маҳорати, катта билим ва тажрибаси, амалий ташаббуслари билан кенг жамоатчилик ўртасида юксак ҳурмат ва эътибор қозонди.
Жонкуяр устоз сифатида кўплаб ёшларга сабоқ берган илм-фан фидойисининг бевосита раҳбарлигида ўнлаб фан номзодлари ва фан докторлари тайёрланди.
Академик Малика Абдуллахўжаеванинг мамлакатимиз илм-фанини ривожлантириш борасидаги хизматлари давлатимиз томонидан муносиб тақдирланди. У Ўзбекистон Қаҳрамони унвони ва “Меҳнат шуҳрати” ордени билан мукофотланган эди.
Атоқли олима, меҳрибон устоз, камтарин инсон Малика Абдуллахўжаеванинг хотираси қалбларимизда ҳамиша сақланиб қолади.
Ш.Мирзиёев, Н.Йўлдошев, Н.Исмоилов,
А.Арипов, Б.Йўлдошев, А.Шодмонов.
Маълумот учун, Малика Абдуллахўжаева 1932 йил 28 ноябрда Россия Федерациясининг Москва шаҳрида туғилди. 1956 йили Тошкент давлат тиббиёт институти (ҳозирги Тошкент тиббиёт академияси)ни тугатиб, Россия Фанлар академияси Мия институти аспирантурасида таҳсил олди. Дастлаб номзодлик, кейинчалик докторлик диссертациясини ҳимоя қилди. Илм-фан соҳасидаги кўп йиллик хизматлари учун 2000 йилда Ўзбекистон Республикаси Фанлар академиясининг ҳақиқий аъзоси этиб сайланди.
Малика Абдуллахўжаева ўз меҳнат фаолиятини 1960 йили Тошкент давлат тиббиёт институти ассистенти сифатида бошлади. Истеъдодли олима қарийб 60 йиллик илмий-педагогик фаолияти давомида Рентгенология, радиология ва онкология илмий-тадқиқот институти (ҳозирги Республика ихтисослаштирилган онкология ва радиология илмий-амалий тиббиёт маркази) лабораторияси мудири, Тошкент давлат тиббиёт институтида кафедра мудири, Ўзбекистон Республикаси патологоанатомик маркази директори каби лавозимларда самарали меҳнат қилиб, мамлакатимизда соғлиқни сақлаш соҳасини ривожлантириш, тиббиёт фанининг долзарб масалаларини тадқиқ этиш, юқори малакали илмий-педагог кадрлар тайёрлаш ишига муносиб ҳисса қўшди.
Заҳматкаш олиманинг тиббиёт соҳасининг назарий ва амалий масалаларига бағишланган 300 дан зиёд илмий мақолалари, 20 га яқин китоб ва монографиялари ҳамда 10 га яқин муаллифлик ишлари Ўзбекистон ва хорижий мамлакатлар олимлари ва мутахассисларига яхши маълум. Айниқса, Ўзбекистонда патологоанотомик хизматни ташкил этиш, мазкур соҳадаги самарали илмий ишланмалари билан янги ва замонавий тиббиёт йўналишларини ривожлантириш борасида фидокорона меҳнат қилиб, ўзининг илмий изланишлари, раҳбарлик маҳорати, катта билим ва тажрибаси, амалий ташаббуслари билан кенг жамоатчилик ўртасида юксак ҳурмат ва эътибор қозонди.
Жонкуяр устоз сифатида кўплаб ёшларга сабоқ берган илм-фан фидойисининг бевосита раҳбарлигида ўнлаб фан номзодлари ва фан докторлари тайёрланди.
Академик Малика Абдуллахўжаеванинг мамлакатимиз илм-фанини ривожлантириш борасидаги хизматлари давлатимиз томонидан муносиб тақдирланди. У Ўзбекистон Қаҳрамони унвони ва “Меҳнат шуҳрати” ордени билан мукофотланган эди.
Атоқли олима, меҳрибон устоз, камтарин инсон Малика Абдуллахўжаеванинг хотираси қалбларимизда ҳамиша сақланиб қолади.
Ш.Мирзиёев, Н.Йўлдошев, Н.Исмоилов,
А.Арипов, Б.Йўлдошев, А.Шодмонов.
Акмалхон Эшонхонов
