...
МЕНЮ
ONLINE TV

Ота 6 ёшли қизини Қорбобо мавжудлигига ишонтириш учун видеоролик тасвирга олди


15:08, 29.12.2016 Олам
 3 204

Қизини алдаш учун Михал Могила видеороликни тайёрлашда компьютер графикасидан фойдаланган.

Янги йил байрами катталардан кўра кўпроқ болаларга қувонч бағишлаши сир эмас. Айрим болалар қорбободан совға олишни исташадию унинг борлигига бироз шубҳа билан қарайдилар. Ота-оналар эса болаларини қорбобо борлигига ишонтиргиси келади.
 
Масалан, YouTube фойдаланувчиси Михал Могила 6 ёшли қизалоғини Қорбобонинг борлигига ишонтириш учун видео тасвирга олди.
 
Видеоролик  YouTube тармоғига жойланган. Роликнинг остидаги тавсифга қизалоқ Қорбобонинг ҳақиқатан ҳам мавжуд эканига шубҳа қилгани, ота эса қизининг байрамнинг сеҳрли қаҳрамонига ишониши учун видеоролик тайёрлашга қарор қилгани ёзилган. Қизини алдаш учун Михал Могила видеороликни тайёрлашда компьютер графикасидан фойдаланган.
 
“Мен қизимга соқолли қария ростдан ҳам мавжудлигини исботлашга қарор қилдим. Қорбобонинг пайдо бўлишини тасвирга олиш учун қизим ва мен Янги йил арчаси олдига видеокамера ўрнатиб қўйдик. Қизим совғаларни топган заҳотиёқ камера олган тасвирларни кўришни хоҳлади”, деб видео остига изоҳ қолдирган Михал Могила.
 
Қорбобони видео тасвирда кўрган қизалоқ ҳайратда қолди, ўзида йўқ хурсанд бўлиб кетди. Бу қизча ҳаётидаги унутилмас воқеага айланиши турган гап.
 
Видеоролик 24 декабрь куни YouTube тармоғига жойланган. Шу кунга қадар роликни 250 мингдан ортиқ одам кўрган. Ушбу видеони сиз ҳам томоша қилинг.
Мухторбек Абдуллаев

Теглар:Янги йил Қорбобо 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!