Колумбия пойтахти Богота шаҳридаги уйлар устига кичик самолёт қулаб тушди, деб хабар беради El Tiempo нашри. Ҳодиса оқибатида 5 киши ҳаётдан кўз юмди, яна етти киши оғир тан жароҳати олган.
HK-3917 G рақамли самолёт пойтахтдаги Эль Дорадо аэропортидан Богота шимолидаги Гуаймараль аэропортига учаётган эди. Аммо, у ҳавога кўтарилганидан бир неча дақиқа ўтиб ҳалокатга учради. Самолёт Вилья Лус туманидаги уч уйга зарар етказиб, новвойхона устига қулаган ва ёниб кетган. Воқеа жойига етиб келган тез тиббий ёрдам гуруҳи вакиллари 5 киши: (самолёт учувчиси, унинг эгаси, бортдаги аёл ва ёш бола ҳамда новвойхонадаги эркак)нинг ўлим ҳолатини қайд этишган. Шунингдек, тан жароҳати олган яна етти нафар инсон ҳам шифохонага етказилган. Улардан иккитасининг аҳволи ниҳоятда оғир.
Эслатиб ўтамиз, Колумбияда шунга ўхшаш ҳодиса жорий йилда учинчи маротаба кузатилиши. 4-августда мамлакат шимолий-ғарбидаги ўрмонли ҳудудга вертолёт қулаши натижасида 16 нафар полиция ходимлари ҳалок бўлган эди. Ўшанда полиция ҳодимлари гиёҳванд моддаларга қарши операция ўтказаётган эди. Маълумотларга кўра, механик носозлик туфайли вертолёт тоғга урилган ва қулаб тушган.
31 июлда эса FAC 1261 рақамли ҳарбий самолёт ҳалокатга учраган. Бортдаги 11 кишининг барчаси ҳалок бўлган. Мамлакат мудофаа вазирлиги берган маълумотларга кўра, самолётнинг носоз двигатели туфайли қулаб тушган.
Эслатиб ўтамиз, Колумбияда шунга ўхшаш ҳодиса жорий йилда учинчи маротаба кузатилиши. 4-августда мамлакат шимолий-ғарбидаги ўрмонли ҳудудга вертолёт қулаши натижасида 16 нафар полиция ходимлари ҳалок бўлган эди. Ўшанда полиция ҳодимлари гиёҳванд моддаларга қарши операция ўтказаётган эди. Маълумотларга кўра, механик носозлик туфайли вертолёт тоғга урилган ва қулаб тушган.
31 июлда эса FAC 1261 рақамли ҳарбий самолёт ҳалокатга учраган. Бортдаги 11 кишининг барчаси ҳалок бўлган. Мамлакат мудофаа вазирлиги берган маълумотларга кўра, самолётнинг носоз двигатели туфайли қулаб тушган.
Севара Нишонова
