...
МЕНЮ
ONLINE TV

Ислом Каримов Италия президентига ҳамдардлик мактубини йўллади


17:10, 13.07.2016 Олам
 3 469

Президент ўз мактубида 12 июль куни Италиянинг жанубий ҳудудида икки йўловчи поезди тўқнашиб кетиши натижасида қурбон бўлганларнинг оила аъзоларига таъзия билдирди.

Аввалроқ, 12 июль куни Италиянинг жанубий ҳудудида икки йўловчи поезди тўқнашиб кетгани ва фалокат натижасида 25 киши ҳалок бўлиб, 35 киши жароҳатлангани ҳақида хабар берган эдик.
 
Бугун, 13 июль куни Ўзбекистон Республикаси Президенти Ислом Каримов Италия Респубикаси Президенти Сержо Маттареллага Италия жанубидаги Апулия вилоятида юз берган темир йўл ҳалокати натижасида инсонлар қурбон бўлганлиги муносабати билан чуқур таъзия изҳор этди. Бу ҳақда Ўзбекистон Республикаси Ташқи ишлар вазирлиги Матбуот хизмати хабар бермоқда.
 
Президент Ислом Каримов ўз мактубида қурбон бўлганларнинг оила аъзолари ва яқинларига ҳамда жароҳатлаганларга самимий ҳамдардлик ва қайғудошлик сўзларини етказишни сўради.
 
Маълумот учун, тўқнашув Италиянинг Корато ва Андриа шаҳарлари орасида жойлашган қишлоқ ҳудудида юз берган. Фалокатга айнан нима сабаб бўлгани маълум эмас.  Тўқнашув кеча, 12 июль куни  маҳаллий вақт билан 11:30 (Тошкент вақти билан 14:30)да  содир бўлди. Икки поездда неча нафар йўловчи бўлгани ҳали аниқланмади.

Теглар:Ислом Каримов Сержо Маттарелла Италия Поезд Тўйнашув 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!