...
МЕНЮ
ONLINE TV

Хитой савдо урушида АҚШга ён берди


15:01, 03.12.2018 Олам
 3 741

Иқтисоди энг йирик икки мамлакат 90 кунда ўзаро келишмовчиликни бартараф этмаса, бож ставкалари кўтарилади.

АҚШ ва Хитой савдо урушида танаффус эълон қилди. G20 саммити доирасидаги музокараларда Дональд Трамп ва Си Цзиньпин икки мамлакат товарларига бож жорий қилишни камида 90 кунга кечиктиришга келишиб олдилар.
 
Маълумотларга кўра, навбатдаги маслаҳатлашув вақтида расмий Пекин ва Вашингтон божларнинг бекор қилинишига келишиб олмоқчи.
 
Оқ уй вакилига кўра, АҚШ президенти ХХР раиси билан учрашувда 1 январдан Хитой товарларига 10 фоизлик божни 25 фоизга кўтармасликка рози бўлган. ўз навбатида Хитой ўзаро савдодаги тенгсизликни қисқартириш учун АҚШ товарларидан кўпроқ сотиб олиш мажбуриятини олган.
 
Бироқ мамлакатлар 90 кунда музокараларда бирор натижага эриша олмаса Трамп божларни 25 фоизга кўтаради.
 
Эслатиб ўтамиз, жорий йил 30 ноябрь – 1 декабрь кунлари Аргентинанинг Буэнос-Айрес шаҳрида G20 саммити бўлиб ўтди.
Суннатилла Абдуллаев

Теглар:АҚШ-Хитой Савдо уруши 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!