...
МЕНЮ
ONLINE TV

Греция оролларидан бирида мигрантлар полицияга ҳужум қилди


18:32, 08.07.2016 Олам
 2 630

Дарғазаб мигрантлар болта, тош ва бошқа нарсалар билан полиция ходимларига ҳужум қилдилар

Грециянинг Лерос оролидаги мигрантлар ва қочоқларни қабул қилиш лагерида ноқонуний мигрантлар ва полиция ўртасида кескин тўқнашув бўлиб ўтди.  Бу ҳақда РИА Новости хабар берди.

Тўқнашув кеча, 7 июль санасида бўлиб ўтган.  Грецияни тезроқ тарк этиб, Марказий ва Шимолий Европа давлатларига кетмоқчи бўлган дарғазаб мигрантлар болта, тош ва бошқа нарсалар билан полиция ходимларига ҳужум қилишди. Шунингдек, келувчиларни рўйхатга олувчи идора жойлашган контейнер бузиб ташланди.

Маълумотларга қараганда, Лерос оролида 650 нафардан ортиқ мигрант ва қочоқлар бор. Уларнинг аксарияти Афғонистон ва Покистондан келган.

Полиция мигрантларга қарши шовқин солувчи гранаталардан фойдаланишга мажбур бўлди, аммо кучлар тенг бўлмагани учун чекинишга тўғри келди. Тўқнашув оқибатида бир полициячи жароҳат олди. Қирғоқ қўриқлаш хизмати ва полиция биргаликда тартибсизликни бостиришга  эришди.
Руслан Сулаймонов

Теглар:Греция Лерос Тўқнашув Мигрантлар 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!