Сурияда жангариларга қарши курашишда Россия-Туркия-Эрон учбурчаги пайдо бўлиши мумкин.
Туркия президенти Ражаб Тойиб Эрдўған кейинги ҳафта Теҳронга ташриф буюриш ниятида, дея “Farsnews” хабар бермоқда.
Маълумотларга қараганда, Туркия давлат раҳбарининг ташрифидан мақсад Суриядаги жангариларга қарши курашиш учун Россия-Туркия-Эрон коалициясини тузиш ҳақида муҳокама ўтказишдир.
Хабарингиз бор, 9 август куни Эрдўған ва Россия президенти Владимир Путин ўртасида Санкт-Петербург шаҳрида учрашув бўлиб ўтган эди. Музокаралар давомида икки давлат раҳбарлари ўзаро алоқаларни тиклаш билан бирга Суриядаги ҳарбий ҳаракатларни тўхтатиш йўлларини муҳокама этишди.
Эрдоғаннинг ташрифи Анқара ва Теҳрон ўртасидаги алоқаларнинг нормаллашувига хизмат қилиши мумкин.
Яқин кунларда уч давлат вакиллари иштирокида музокаралар олиб борилиши кутилмоқда.
Туркия ва Эрон муносабатлари Суриядаги вазият туфайли совуқлашган эди. Эрон Суриядаги фуқаролар урушида Башар Асад ҳукуматини қўллаб келаётган бўлса, Туркия асосан суннийлардан иборат бўлган мухолифат кучларини қўлламоқда. Бу минтақадаги асосий масалаларидан бири – шиалар ва суннийлар қарама-қаршилиги билан ҳам характерланади. Бундан ташқари, бу икки давлат Яқин Шарқ минтақасида етакчилик роли учун ҳаракат қилиб келади.
Маълумотларга қараганда, Туркия давлат раҳбарининг ташрифидан мақсад Суриядаги жангариларга қарши курашиш учун Россия-Туркия-Эрон коалициясини тузиш ҳақида муҳокама ўтказишдир.
Хабарингиз бор, 9 август куни Эрдўған ва Россия президенти Владимир Путин ўртасида Санкт-Петербург шаҳрида учрашув бўлиб ўтган эди. Музокаралар давомида икки давлат раҳбарлари ўзаро алоқаларни тиклаш билан бирга Суриядаги ҳарбий ҳаракатларни тўхтатиш йўлларини муҳокама этишди.
Эрдоғаннинг ташрифи Анқара ва Теҳрон ўртасидаги алоқаларнинг нормаллашувига хизмат қилиши мумкин.
Яқин кунларда уч давлат вакиллари иштирокида музокаралар олиб борилиши кутилмоқда.
Туркия ва Эрон муносабатлари Суриядаги вазият туфайли совуқлашган эди. Эрон Суриядаги фуқаролар урушида Башар Асад ҳукуматини қўллаб келаётган бўлса, Туркия асосан суннийлардан иборат бўлган мухолифат кучларини қўлламоқда. Бу минтақадаги асосий масалаларидан бири – шиалар ва суннийлар қарама-қаршилиги билан ҳам характерланади. Бундан ташқари, бу икки давлат Яқин Шарқ минтақасида етакчилик роли учун ҳаракат қилиб келади.
Руслан Сулаймонов
