Англия фуқаросининг юз қисми эндиликда Ван Гогнинг бронзадан ясалган ҳайкалини яратишда асос бўлади.
Англияда Винсент Ван Гогнинг энг ўхшаш “эгизаги” танловида иштирок этган 35 ёшли актёр, Дэн Бейкер биринчиликни қўлга киритди.
Ван Гогга қуйиб қўйгандек ўхшайдиган Англия фуқаросининг юз қисми эндиликда Ван Гогнинг бронзадан ясалган ҳайкалини яратишда асос бўлади. Бу ҳақда “Metro” нашри хабар бермоқда.
Дэннинг ўзи ҳам Ван Гогга ўхшашидан хурсанд эканини билдирган.
“Юзимнинг тузилиши, кўзларим, соқолимнинг малла рангда экани, Ван Гогга ўхшашимга замин яратади. Мен актёрман. Яқинларим, мухлисларим мени доимо Ван Гогга ўхшатишади. Бу жуда ёқимли туйғу. Албатта, мен бу ўхшашликни ўзим ҳам сезаман. Танловда иштирок этдим, аммо, очиғи ғолиб бўламан, деб ўйламагандим”, дейди Дэн Бейкер.
Аслида, Бейкерни канадалик рассом Дуглас Коупленд “кашф” қилган. У Ван Гогнинг бугунги, 2016 йилдаги кундаги кўринишини акс эттириш учун унга ўхшаш чеҳраларни излаган.
Дэн Бейкер ҳам кўплар қатори Дуглас Коупленднинг танловида иштирок этиш ниятида унга бир қатор суратларини юборган ва Skype орқали амалга оширилган интервьюда қатнашган. Ҳайъат аъзоларининг фикрлари бир жойдан чиқиб, Дэн Ван Гогга энг ўхшаш чеҳра сифатида ғолиб бўлган ва 4180 евро миқдоридаги пул мукофотини ютиб олган.
Сентябрь ойида бўлиб ўтган танлов ҳақида омма эътиборига эндигина хабар берилди. Айни вақтда унинг юз қисмидаги ҳар бир қисмни тўлиқ акс эттириш учун биргина хонага юзлаб камералар ўрнатиб, Дэннинг юзи 3D сканердан ўтказиб бўлинди. Коупленд Дэннинг иштирокида яратган Ван Гогнинг ҳайкалини 2017 йилнинг апрель ойида омма эътиборига ҳавола этмоқчи.
Маълумот учун, голландиялик рассом Винсент Ван Гог милодий 1853 йилда туғилган. Ван Гог кўплаб мамлакатларга сафар қилган. У ҳаёти давомида оғир машаққатларга дош берган. Ван Гог эски рассомчиликдаги ранглаш қоида ва усулларини ўзгартирган ва рассомчиликда янги услуб ярата олган шахсдир. Винсент Ван Гогдан “Кунгабоқарлар” ва “Кесилган қулоқли автопортрет” каби кўплаб асар қолган.
Ван Гогга қуйиб қўйгандек ўхшайдиган Англия фуқаросининг юз қисми эндиликда Ван Гогнинг бронзадан ясалган ҳайкалини яратишда асос бўлади. Бу ҳақда “Metro” нашри хабар бермоқда.
Дэннинг ўзи ҳам Ван Гогга ўхшашидан хурсанд эканини билдирган.
“Юзимнинг тузилиши, кўзларим, соқолимнинг малла рангда экани, Ван Гогга ўхшашимга замин яратади. Мен актёрман. Яқинларим, мухлисларим мени доимо Ван Гогга ўхшатишади. Бу жуда ёқимли туйғу. Албатта, мен бу ўхшашликни ўзим ҳам сезаман. Танловда иштирок этдим, аммо, очиғи ғолиб бўламан, деб ўйламагандим”, дейди Дэн Бейкер.
Аслида, Бейкерни канадалик рассом Дуглас Коупленд “кашф” қилган. У Ван Гогнинг бугунги, 2016 йилдаги кундаги кўринишини акс эттириш учун унга ўхшаш чеҳраларни излаган.
Дэн Бейкер ҳам кўплар қатори Дуглас Коупленднинг танловида иштирок этиш ниятида унга бир қатор суратларини юборган ва Skype орқали амалга оширилган интервьюда қатнашган. Ҳайъат аъзоларининг фикрлари бир жойдан чиқиб, Дэн Ван Гогга энг ўхшаш чеҳра сифатида ғолиб бўлган ва 4180 евро миқдоридаги пул мукофотини ютиб олган.
Сентябрь ойида бўлиб ўтган танлов ҳақида омма эътиборига эндигина хабар берилди. Айни вақтда унинг юз қисмидаги ҳар бир қисмни тўлиқ акс эттириш учун биргина хонага юзлаб камералар ўрнатиб, Дэннинг юзи 3D сканердан ўтказиб бўлинди. Коупленд Дэннинг иштирокида яратган Ван Гогнинг ҳайкалини 2017 йилнинг апрель ойида омма эътиборига ҳавола этмоқчи.
Маълумот учун, голландиялик рассом Винсент Ван Гог милодий 1853 йилда туғилган. Ван Гог кўплаб мамлакатларга сафар қилган. У ҳаёти давомида оғир машаққатларга дош берган. Ван Гог эски рассомчиликдаги ранглаш қоида ва усулларини ўзгартирган ва рассомчиликда янги услуб ярата олган шахсдир. Винсент Ван Гогдан “Кунгабоқарлар” ва “Кесилган қулоқли автопортрет” каби кўплаб асар қолган.
Умида Якубова
