Бокс: Cuba Domadores чемпион!

Кеча, 28 сентябрь куни Хитойда яримҳаваскор боксчилар ўртасида ўтказилиб келинадиган Бутунжаҳон бокс серияси (WSB)нинг финал ўйинлари якунланди. Финалда Кубанинг “Cuba Domadores” ва Қозоғистоннинг “Astana Arlans” жамоалари беллашди.
 
Жастлаб, Сямин шаҳрида кечган беллашувларда 5 та вазн тоифасида томонлар ўзаро рингга кўтарилишди ва унда кубалик боксчиларнинг қўллари баланд келди - 3:2.
 
-49 кг: Темиртас Жусупов* - Дамиан Арсе Дуарте
-56: Ильяс Сулейменов - Освиэл Давид Кабалльеро Гарсия*
-64: Дильмурат Мижитов - Энди Круз*
-75: Абильхан Омонқул* - Ослейс Иглесиас Эстрада
-91: Нурбол Алтаев - Эрисланди Савон*
 
Кейин эса Хитойнинг Цзиньцзян шаҳрида катта бокс кечаси бўлиб ўтди.
 
Мазкур жангларда ҳам қўшниларимиз рақибга мағлуб бўлишди. Умумий ҳисоб - 7:3.
 
-52 кг: Сакен Бибосинов* - Хорхе Гриньян
-60: Закир Сафиуллин - Лазаро Альварес*
-69: Асланбек Шимбергенов - Рониэль Иглесиас*
 -81: Бек Нурмаганбет - Хулио Ла Круз*
 +91: Камшибек Кўнкабаев - Хосе Лардует*
 
Шу тариқа, кубалик боксчилар қозоғистонлик ҳамкасбларидан реванш олдилар. Боиси ўтган йилги финалда ҳар икки жамоа беллашиб, қўшниларимиз чемпион бўлганди.
 
ИЗОҲ: * - жангда ғалаба қозонган боксчи.

Дилмуроджон Раҳимов