Бугун бўлиб ўтадиган жанг олдидан ҳар икки жамоа вакиллари матбуот ажуманида иштирок этишди.
Бокс бўйича “Uzbek Tigers” жамоаси Бутунжаҳон бокс сериялари (WSB) VIII мавсумидаги учинчи баҳсида Тошкент шаҳридаги “Универсал” спорт мажмуасида Колумбиянинг “Colombia Heroicos” жамоасига қарши рингга кўтарилади.
1 март куни бўлиб ўтадиган мазкур баҳс олдидан бугун, 28 февраль куни “City Palace” меҳмонхонасида ҳар иккала жамоа ўртасида матбуот анжумани ўтказилди.
Анжуманда жамоа аъзолари эртанги баҳс олдидан нималар кутаётгани ҳақида ўз фикрларини айтиб ўтишди.
Шунингдек, матбуот анжумани доирасида вазн ўлчаш маросими ҳам бўлиб ўтди.
Эслатиб ўтамиз, Халқаро ҳаваскор боксчилар уюшмаси (АIBA) томонидан ташкил этилган турнирнинг бу йилги баҳсларида жамоалар уч минтақага бўлинган ҳолда куч синашишмоқда.
“Uzbek Tigers” Америка минтақасидаги баҳсларда иштирокини давом эттирмоқда.
“Uzbek Tigers” боксчилари “Colombia Heroicos” (Колумбия), “Cuba Domadores” (Куба) ва “Caciques de Venezuela” (Венесуэла) каби кучли жамоалар вакиллари билан беллашишади.
Жангда “Uzbek Tigers” жамоасининг айнан қайси боксчилари иштирок этиши ҳозирча номаълум бўлиб турибди. Бу ҳақда кейинроқ яна маълумот бериб ўтишга ҳаракат қиламиз.
Бутунжаҳон бокс сериялари (WSB) нинг VIII мавсумида “Uzbek Tigers” дастлабки учрашувда сафарда “Cuba Domadores” (Куба)га 5:0 ҳисобида имкониятни бой берган бўлса, иккинчи учрашувда кубалик боксчилар устидан 4:1 ҳисобида зафар қучди.
“Colombia Heroicos” жамоаси эса Колумбияда мусобақанинг дастлабки турида Венесуэланинг “Caciques de Venezuela”ни 3:2 ҳисобида мағлуб этган.
1 март куни бўлиб ўтадиган мазкур баҳс олдидан бугун, 28 февраль куни “City Palace” меҳмонхонасида ҳар иккала жамоа ўртасида матбуот анжумани ўтказилди.
Анжуманда жамоа аъзолари эртанги баҳс олдидан нималар кутаётгани ҳақида ўз фикрларини айтиб ўтишди.
Шунингдек, матбуот анжумани доирасида вазн ўлчаш маросими ҳам бўлиб ўтди.
Эслатиб ўтамиз, Халқаро ҳаваскор боксчилар уюшмаси (АIBA) томонидан ташкил этилган турнирнинг бу йилги баҳсларида жамоалар уч минтақага бўлинган ҳолда куч синашишмоқда.
“Uzbek Tigers” Америка минтақасидаги баҳсларда иштирокини давом эттирмоқда.
“Uzbek Tigers” боксчилари “Colombia Heroicos” (Колумбия), “Cuba Domadores” (Куба) ва “Caciques de Venezuela” (Венесуэла) каби кучли жамоалар вакиллари билан беллашишади.
Жангда “Uzbek Tigers” жамоасининг айнан қайси боксчилари иштирок этиши ҳозирча номаълум бўлиб турибди. Бу ҳақда кейинроқ яна маълумот бериб ўтишга ҳаракат қиламиз.
Бутунжаҳон бокс сериялари (WSB) нинг VIII мавсумида “Uzbek Tigers” дастлабки учрашувда сафарда “Cuba Domadores” (Куба)га 5:0 ҳисобида имкониятни бой берган бўлса, иккинчи учрашувда кубалик боксчилар устидан 4:1 ҳисобида зафар қучди.
“Colombia Heroicos” жамоаси эса Колумбияда мусобақанинг дастлабки турида Венесуэланинг “Caciques de Venezuela”ни 3:2 ҳисобида мағлуб этган.
Акмалхон Эшонхонов
