...
МЕНЮ
ONLINE TV

Аттракцион “қурбони”нинг операциясига ким пул тўлайди?


10:04, 22.09.2017 Жамият
 8 448

Истеъдодли актёрнинг жарроҳлик операцияси учун йиғилган пул унинг дўстлари томонидан тўпланган.

Баҳром Якубов билан боғлиқ ҳодиса 16 сентябрь куни тахминан соат 20:50 ларда Навоий шаҳридаги Алишер Навоий номидаги маданият ва истироҳат боғида содир бўлган эди.
 
Баҳром фойдаланган занжирли “Панда” номли аттракционнинг хавфсизлик камари носоз бўлган ва у учиб бориб нарвонга урилган.
 
Бахтсиз ҳодиса натижасида Баҳром Якубовнинг қўли ва оёғи синган, бундан ташқари, унинг ўнг юзи фақатгина пластик жарроҳлик ёрдамида тикланиши мумкинлиги айтилган.
 
Воқеа натижасида Баҳромнинг кўз косаси синган ва у бир кўзидан айрилган... Иккинчи кўзида кучли қизариш юз берган ва гематома ташҳиси қўйилган.
 
Баҳромнинг яқин дўсти Бобур Пирматов айни дамда унинг ёнида. Бобур Баҳромнинг Навоий шаҳридаги вилоят шифохонасида даволанаётгани ва уни даволаш учун 150 миллионга яқин маблағ зарур эканини айтди.
 
Маблағ Баҳромнинг дўстлари томонидан йиғилгани ва бугун, 22 сентябрь куни жарроҳлик операцияси ўтказилиши хабар қилинди.
 
Бобур Пирматов Баҳром Якубовнинг аҳволи аввалгидан бироз яхшилангани ва шифокорлар қўлдан келганича яхши тиббий ёрдам кўрсатаётганини айтди.
 
Эслатиб ўтамиз, истеъдодли ижодкор хонанда Руҳшонанинг “Шекилли” қўшиғига олинган клипда суратга тушган эди. Актёр шу ва бошқа ижролари орқали мухлисларга яхши таниш.
Зоҳиршоҳ Жўраев

Теглар:Бобур Якубов Аттракцион Навоий 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

qalampir.uz сайтини баҳоланг!

Барча сўровлар