Қозоғистон телевидениесига берган интервьюси чоғида аёл ўғлига кўзида ёш билан мурожаат қилар экан, агар терактларга алоқадор бўлса, айбига иқрор бўлиб, ўзини ҳукумат қўлига топширишини сўради.
Хабарингиз бор, 5 июнь куни Қозоғистоннинг Ақтўбе шаҳрида террористик ҳаракатлар амалга оширилди. Ушбу террористик ҳаракат чоғида жами 19 киши вафот этди. Улар ичида 4 нафари тинч аҳоли вакили ва 3 нафар ҳарбий хизматчилар эди.
Бугун, 10 июнь куни Қозоғистонда содир этилган террористик ҳаракатларга алоқадор бўлган террорчиларни топиш ва уларни қўлга олиш бўйича махсус операция чоғида 4 нафар террорчи йўқ қилинди. Ҳозирга қадар ушбу террористик ҳаракатга алоқадор бўлган, қидирувга берилган шахсларни ушлаш ишлари давом этмоқда. Хусусан, бир неча соат аввал террорчиларнинг ҳамтовоқларидан бири бўлмиш Дмитрий Танатаров қўлга олингани ҳақида хабар берган эдик.
5 июнь куни содир этилган террористик ҳаракатда иштирок этганликда гумон қилинаётган фуқаро Бахит Куанишбаевнинг онаси Гулсим Куанишбаева агар фарзандининг террористик ҳаракатларга алоқадорлиги тасдиқланса, ундан воз кечишга тайёр эканини билдирган. Бу ҳақда “Nur.kz” нашри хабар ёзмоқда.
Террорчиликда гумон қиланаётган Бахитнинг онаси Қозоғистон телеканаллардан бирига интервью берди ва ўғлининг террористик ҳаракатларга аъзоликда гумон қилинаётганини телевизор орқали эшитиб, ўзини йўқотиб қўйганини айтди.
“Мен ўғлим бу йўлдан ўз истаги билан кетганига ишонмайман. У жуда ишонувчан. Бироқ агар унинг Ақтўбедаги террористик ҳаракатларга алоқаси борлиги тасдиқланса, майли, уни кўз олдимда отиб ташлашсин, бу ҳаммага дарс бўлсин. Менга бундай фарзанднинг кераги йўқ. Бу мен берган тарбия эмас”, дейди Гулсим Куанишбаева.
Интервью чоғида аёл қидирирувга берилган ўғли Бахит Куанишбаевга мурожаат қилди.
“Ўғлим, сенга берган намунали тарбиям қани? Мен сени шундай тарбия қилганмидим? Қаердасан, қандай гуруҳларга қўшилиб қолдинг? Агар тирик бўлсанг, келиб, айбингни тан ол! Агар айбинг бўлмаса, келиб айбдор эмаслигингни айт. Бу менинг, онангнинг сўзлари. Қаердасан? Мени кўраяпсанми? Бундай жойларга боришдан аввал нега яхшилаб ўйлаб кўрмадинг? Агар овозимни эшитаётган бўлсанг, ўғлим, агар тирик бўлсанг, келиб тавба қил!”
Интервью аввалида аёл Ақтўбеда уюштирилган террористик ҳаракатлар чоғида вафот этганларнинг оилаларига ҳамдардлик билдирди. Бахитнинг рафиқаси Айнур Омарова эса турмуш ўртоғини алдаб, онгини заҳарлаганликларини айтди.
Бугун, 10 июнь куни Қозоғистонда содир этилган террористик ҳаракатларга алоқадор бўлган террорчиларни топиш ва уларни қўлга олиш бўйича махсус операция чоғида 4 нафар террорчи йўқ қилинди. Ҳозирга қадар ушбу террористик ҳаракатга алоқадор бўлган, қидирувга берилган шахсларни ушлаш ишлари давом этмоқда. Хусусан, бир неча соат аввал террорчиларнинг ҳамтовоқларидан бири бўлмиш Дмитрий Танатаров қўлга олингани ҳақида хабар берган эдик.
5 июнь куни содир этилган террористик ҳаракатда иштирок этганликда гумон қилинаётган фуқаро Бахит Куанишбаевнинг онаси Гулсим Куанишбаева агар фарзандининг террористик ҳаракатларга алоқадорлиги тасдиқланса, ундан воз кечишга тайёр эканини билдирган. Бу ҳақда “Nur.kz” нашри хабар ёзмоқда.
Террорчиликда гумон қиланаётган Бахитнинг онаси Қозоғистон телеканаллардан бирига интервью берди ва ўғлининг террористик ҳаракатларга аъзоликда гумон қилинаётганини телевизор орқали эшитиб, ўзини йўқотиб қўйганини айтди.
“Мен ўғлим бу йўлдан ўз истаги билан кетганига ишонмайман. У жуда ишонувчан. Бироқ агар унинг Ақтўбедаги террористик ҳаракатларга алоқаси борлиги тасдиқланса, майли, уни кўз олдимда отиб ташлашсин, бу ҳаммага дарс бўлсин. Менга бундай фарзанднинг кераги йўқ. Бу мен берган тарбия эмас”, дейди Гулсим Куанишбаева.
Интервью чоғида аёл қидирирувга берилган ўғли Бахит Куанишбаевга мурожаат қилди.
“Ўғлим, сенга берган намунали тарбиям қани? Мен сени шундай тарбия қилганмидим? Қаердасан, қандай гуруҳларга қўшилиб қолдинг? Агар тирик бўлсанг, келиб, айбингни тан ол! Агар айбинг бўлмаса, келиб айбдор эмаслигингни айт. Бу менинг, онангнинг сўзлари. Қаердасан? Мени кўраяпсанми? Бундай жойларга боришдан аввал нега яхшилаб ўйлаб кўрмадинг? Агар овозимни эшитаётган бўлсанг, ўғлим, агар тирик бўлсанг, келиб тавба қил!”
Интервью аввалида аёл Ақтўбеда уюштирилган террористик ҳаракатлар чоғида вафот этганларнинг оилаларига ҳамдардлик билдирди. Бахитнинг рафиқаси Айнур Омарова эса турмуш ўртоғини алдаб, онгини заҳарлаганликларини айтди.
Умида Якубова
