Мората Лондонда йилига 9 млн. евро миқдорида маош олади.
Мадриднинг “Реал” клуби ҳужумчиси Альваро Мората футболчилик фаолиятини Лондоннинг “Челси” клубида давом эттириши ҳақида хабар бергандик.
“Реал” “чангали”дан қутулган ҳужумчи Альваро Мората Лос-Анжелес - Лондон авиарейси орқали “Челси” ихтиёрига йўл олиш арафасида қисқача интервью бериб, “қироллик клуби”даги фаолияти ва янги жамоаси ҳусусидаги фикрини билдирди.
Трансфери ҳусусида
- Жорий ёз фасли мен учун турли воқеаларга бой, ғайритабиий тарзда ўтди. Нима бўлганда ҳам, мени анчадан буён ўз сафига қўшиб олишга уринаётган клуб остонасига қадам қўяман, доимий равишда мулоқот қилиб турган мураббий Антонио Конте билан учрашаман. Шу боис, ғоят бахтиёрман! Ҳа, “Реал”дан кетиш қайғули, албатта. Лекин умид қиламанки, “Челси”да ҳаммаси яхши бўлади.
“Мадрид” мухлисларига мурожаат
- “Қироллик клуби” шарафини ҳимоя қилиш ҳам мароқли, ҳам фахрли бўлди. Сўз бераман, доимо “Мадрид”га тарафкашлик қиламан. Фақат “Челси”га қарши учрашувлар бундан мустасно.
Зидан билан хайрлашув
- Бош мураббийга йил давомида менга кўрсатган ҳурмати ва ғамҳўрлиги учун миннатдорчилик билдирдим. Шунингдек, кейинги ишида омад тиладим.
“Реал”га қайтиш ҳусусида
- Учинчи марта-я... Бу анча мураккаб масала. Ҳар ҳолда, ҳозир бундай фикрдан йироқман.
Мадридга иккинчи ташрифи ҳақида
- Афсусланиш учун бирор-бир жиддий сабаб кўрмаяпман: 4та нуфузли соврин соҳибига айландим, ахир. Жумладан, ЕЧЛда иккинчи марта ғолиблик нашидасини сурдим. Ҳуллас, жамоадан бахтиёр ҳолатда кетяпман. “Қироллик клуби” либосини сўнгги марта Сибелес майдонида ЕЧЛни ютган пайтда кийгандим.
Жамоадошлар билан хайрлашув
- Улар чин дўстларим ва кейинчалик ҳам ўртадаги алоқаларни узмайман. Жамоа ҳам, шаҳар ҳам ўзгариши мумкин, лекин дўстлигимиз эмас.
Хотиржам тортишга асос йўқ
- “Челси” базасига етиб бориб, тиббий кўрикдан ўтиш ва тақдимот маросимида мухлисларга таништирилишимгача ўзимни хотиржам ҳис қилолмайман. Шу ёз нечоғли кутилмаган воқеалар юз бериши мумкинлигига шахсан ўзим яна бир карра амин бўлдим. Шу боис, ҳаммаси ўз ўрнига тушгунига қадар сабр қилишим маъқул.
“Челси” бош мураббийи Антонио Конте ҳақида
- Менга доимо ишонч билан қараган мураббий раҳбарлигидаги жамоага йўл олаётганимдан беҳад мамнунман. Бу ҳар қандай футболчи учун жуда муҳим.
ЕЧЛда “Челси” ва “Реал” тўқнашуви хусусида
- Айнан шундай бўлишидан умидворман? Зеро, бу ҳолат ҳар икки жамоа нуфузли турнирда муваффақиятли иштирок этганини англатади.
“Челси”нинг испаниялик легионерлари ҳақида
- Албатта, Аспиликуэта билан кўп гаплашдим, шунингдек, Торресдан маслаҳат олдим. Улар ҳар қандай масалада ёрдам беришга тайёр эканликларини таъкидладилар.
Алоҳида таъкидлаш керак, лондонликлар Мората трансфери учун 80 млн. евро сарфлаб, у билан бирданига 5 йиллик шартномани расмийлаштирдилар. Испан йигити Лондонда йилига 9 млн. евро миқдорида маош олади.
“Реал” “чангали”дан қутулган ҳужумчи Альваро Мората Лос-Анжелес - Лондон авиарейси орқали “Челси” ихтиёрига йўл олиш арафасида қисқача интервью бериб, “қироллик клуби”даги фаолияти ва янги жамоаси ҳусусидаги фикрини билдирди.
Трансфери ҳусусида
- Жорий ёз фасли мен учун турли воқеаларга бой, ғайритабиий тарзда ўтди. Нима бўлганда ҳам, мени анчадан буён ўз сафига қўшиб олишга уринаётган клуб остонасига қадам қўяман, доимий равишда мулоқот қилиб турган мураббий Антонио Конте билан учрашаман. Шу боис, ғоят бахтиёрман! Ҳа, “Реал”дан кетиш қайғули, албатта. Лекин умид қиламанки, “Челси”да ҳаммаси яхши бўлади.
“Мадрид” мухлисларига мурожаат
- “Қироллик клуби” шарафини ҳимоя қилиш ҳам мароқли, ҳам фахрли бўлди. Сўз бераман, доимо “Мадрид”га тарафкашлик қиламан. Фақат “Челси”га қарши учрашувлар бундан мустасно.
Зидан билан хайрлашув
- Бош мураббийга йил давомида менга кўрсатган ҳурмати ва ғамҳўрлиги учун миннатдорчилик билдирдим. Шунингдек, кейинги ишида омад тиладим.
“Реал”га қайтиш ҳусусида
- Учинчи марта-я... Бу анча мураккаб масала. Ҳар ҳолда, ҳозир бундай фикрдан йироқман.
Мадридга иккинчи ташрифи ҳақида
- Афсусланиш учун бирор-бир жиддий сабаб кўрмаяпман: 4та нуфузли соврин соҳибига айландим, ахир. Жумладан, ЕЧЛда иккинчи марта ғолиблик нашидасини сурдим. Ҳуллас, жамоадан бахтиёр ҳолатда кетяпман. “Қироллик клуби” либосини сўнгги марта Сибелес майдонида ЕЧЛни ютган пайтда кийгандим.
Жамоадошлар билан хайрлашув
- Улар чин дўстларим ва кейинчалик ҳам ўртадаги алоқаларни узмайман. Жамоа ҳам, шаҳар ҳам ўзгариши мумкин, лекин дўстлигимиз эмас.
Хотиржам тортишга асос йўқ
- “Челси” базасига етиб бориб, тиббий кўрикдан ўтиш ва тақдимот маросимида мухлисларга таништирилишимгача ўзимни хотиржам ҳис қилолмайман. Шу ёз нечоғли кутилмаган воқеалар юз бериши мумкинлигига шахсан ўзим яна бир карра амин бўлдим. Шу боис, ҳаммаси ўз ўрнига тушгунига қадар сабр қилишим маъқул.
“Челси” бош мураббийи Антонио Конте ҳақида
- Менга доимо ишонч билан қараган мураббий раҳбарлигидаги жамоага йўл олаётганимдан беҳад мамнунман. Бу ҳар қандай футболчи учун жуда муҳим.
ЕЧЛда “Челси” ва “Реал” тўқнашуви хусусида
- Айнан шундай бўлишидан умидворман? Зеро, бу ҳолат ҳар икки жамоа нуфузли турнирда муваффақиятли иштирок этганини англатади.
“Челси”нинг испаниялик легионерлари ҳақида
- Албатта, Аспиликуэта билан кўп гаплашдим, шунингдек, Торресдан маслаҳат олдим. Улар ҳар қандай масалада ёрдам беришга тайёр эканликларини таъкидладилар.
Алоҳида таъкидлаш керак, лондонликлар Мората трансфери учун 80 млн. евро сарфлаб, у билан бирданига 5 йиллик шартномани расмийлаштирдилар. Испан йигити Лондонда йилига 9 млн. евро миқдорида маош олади.
Акмал Эшонхонов
