Венецияда Буюк Британиянинг Easy Jet авиакомпаниясига қарашли Airbus A320 русумли йўловчи самолёти учувчининг ҳушдан кетиши туфайли фавқулодда қўнишга мажбур бўлди.
Маълумотларга қараганда, 5461 рейс билан Лондоннинг Гатвик аэропортидан Грециянинг Крит ороли томон ҳаракатланаётган самолёт экипажининг командири парвоз ярмида ҳушидан кетган. Иккинчи учувчи ўша вазиятнинг ўзидаёқ авиалайнерни Венециянинг Марко Поло аэропортига муваффақиятли қўндиришга эришган.
The sun нашрининг хабарига кўра, лайнер бортидаги 164 нафар йўловчининг ҳеч бири жабрланмаган. Айни вақтда тез тиббий ёрдам орқали касалхонага етказилган экипаж командирининг аҳволи яхши эканлиги айтилмоқда.
Таъкидлаш жоизки, ушбу воқеа самолётларнинг фавқулодда қўниши билан боғлиқ биринчи ҳолат эмас. 2015 йилнинг 7 октябрь куни АҚШда Хьюстон — Сан-Франциско йўналиши бўйича парвозга чиққан авиалайнер ҳам учувчилардан бирининг соғлиги ёмонлашгани туфайли Нью-Мексико штатига қўнишга мажбур бўлган эди.
5 октябрь куни эса, Финикс-Бостон рейси бўйича ҳаракатланаётган American Airlines компаниясига тегишли йўловчи самолёт учувчининг парвоз вақтида ҳаётдан кўз юмиши сабаб иккинчи учувчи томонидан Нью-Йоркка қўндирилган.
The sun нашрининг хабарига кўра, лайнер бортидаги 164 нафар йўловчининг ҳеч бири жабрланмаган. Айни вақтда тез тиббий ёрдам орқали касалхонага етказилган экипаж командирининг аҳволи яхши эканлиги айтилмоқда.
Таъкидлаш жоизки, ушбу воқеа самолётларнинг фавқулодда қўниши билан боғлиқ биринчи ҳолат эмас. 2015 йилнинг 7 октябрь куни АҚШда Хьюстон — Сан-Франциско йўналиши бўйича парвозга чиққан авиалайнер ҳам учувчилардан бирининг соғлиги ёмонлашгани туфайли Нью-Мексико штатига қўнишга мажбур бўлган эди.
5 октябрь куни эса, Финикс-Бостон рейси бўйича ҳаракатланаётган American Airlines компаниясига тегишли йўловчи самолёт учувчининг парвоз вақтида ҳаётдан кўз юмиши сабаб иккинчи учувчи томонидан Нью-Йоркка қўндирилган.
Мадина Нурманова
